Kasbiy- pedagogik sohada esa muallim bolalarni, kasbini sevishi, ular bilan ishlashga qiziqishi lozim. Shuningdek, u ziyrak va kuzatuvchan bo`lishi hamda pedagogik tasavvur, bunyodkorlik, tashkilotchilik, haqqoniylik, talabchanlik, qat’iylik, maqsadga intilish kabi xislatlarga ega bo`lishi kerak. Boshlang`ich ta’lim o`qituvchilaridan bilish sohasida keng ilmiy salohiyat, ma’naviy ehtiyoj va qiziqish, yangilikni his qila bilish pedagogik ma’lumotni oshirishga intilish talab etiladi. Shunday ekan ta’lim-tarbiyaning muvaffaqiyatli kechishi uchun pedagog o`z kasbini ng ustasi, fidoyisi bo`lishi kerak. Shu ma’noda bugungi o`qituvchidan yurtimiz kelajagi uchun yangicha fikrlaydigan, ertangi kunga yangicha nigoh bilan qaraydigan, zamon bilan hamnafas komil insonni shakllantirish talab etiladi. Bunday ma’suliyatli vazifani bajarish uchun, avvalo o`qituvchining o`zi keng bilim va yuksak mahoratga ega bo`lmog` lozim. O`z ustida tinimsiz ishlaydigan, izlanuvchan o`qituvchi bu sinovdan muvaffaqiyatli o`tishi shubhasiz. Umumiy o`rta ta’lim fanlari bo`yicha viloyat va tumanlar darajasida nazorat maktablari viloyatlar xalq ta’limi boshqarmalari buyrug`i bilan tashkil etilgan «Mahorat maktabi» faoliyat yuritmoqda. Shu jumladan Guliston tumanidagi 3-umumta’lim maktabi tumanlararo tayanch maktabi hisoblanadi. «Mahorat maktabi»da juda ko`b boshlang`ich tizimini zamon talablariga javob beradigan pedagog kadrlarni uchratish mumkin. Ulardan yosh o`qituvchilarimiz o`z kasbiy mahoratlarini oshirib borish uchun tajribalarni o`rgangadilar va fikrlashadilar