Таълим давлат сиёсатининг устувор соҳасига айлангач, бошланғич таълим ривожига алоҳида эътибор қаратилди. «Бошланғич таълим концепцияси»да ўқитувчининг вазифалари аниқ белгиланиб қўйилди. Асосий мақсад: кичик мактаб ёшидаги ўқувчиларга ўқиш, ёзиш ва ҳисоблашга ўргатиш, табиат ва атроф-муҳит билан таништириш, ижодий ва мантиқий фикрлашга, нутқ маданиятини ўстиришга, шахсий гигиена қоидаларига риоя қилиш, шахсий имкониятларини намойиш этишга қаратилар экан, албатта, ўқитувчи зиммасига катта масъулият юкланади. Бошланғич синф ўқитувчиси ҳар бир дарсга пухта тайёргарлик кўриш билан биргаликда, ўқувчининг дарсдан кейинги фаолиятини мазмунли ўтказиши таълим самарадорлигини ошириш, давоматни яхшилаш ҳамда пировард ижобий натижага эришиш имконини беради. Дарсдан ташқари машғулотларни самарали ташкил этиш бошланғич таълимнинг компетенциявий ёндашув асосида белгиланган вазифаларни амалга оширишга ёрдам беради.