Бугунги кунда ижтимоий, иқтисодий ва маданий соҳаларни малакали кадрлар билан таъминлашда пухта асосланган механизмга эга бўлган узлуксиз таълим тизими, хусусан, олий таълим муассасаси босқичи ўзига хос ўрин тутади. Тезкорлик билан ривожланаётган давр мутахассислар олдига шиддатли ўзгаришларга тайёр туриш, давр билан ҳамнафас бўлган ҳолда ижтимоий ва касбий нуқтаи назардан ўз-ўзини шакллантириб, ривожлантириб бориш вазифасини қўймоқда. Мутахассисларнинг мазкур талабга тўлақонли жавоб бера олишларида олий таълим муасасасаларида таълим-тарбия жараёнининг сифатли ташкил этилишини ҳиссаси катта.
Низомий номидаги ТДПУ бошланғич таълим ва жисмоний маданият факультети етакчи факультетлардан бири бўлиб, ҳозирги кунда факультетда бўлажак бошланғич синф, жисмоний тарбия, мусиқа ўқитувчиларини инновацион фаолиятга тайёрлаш масаласига етакчи масала сифатида қаралмоқда.