Бошланғич синф ўқитувчилари ўқувчиларда ўз фаолиятлари моҳиятини англаш кўникмасини ҳосил қилишлари керак. Бунинг учун ўқитувчилар турли-туман усулларни қўллашлари лозим. Масалан, муҳокама, ёзма сўровномалар ўтказиш, турли ҳодисалар ва ўзгаришларни тасвирий ифодалаш кабилар.
1–4-синф ўқувчилари учун ҳиссиётларни таҳлил қилиш усулидан фойдаланиш самарали ҳисобланади. Улар ўз ҳиссиётлари ва туйғуларини сўз воситасида тасвирлашга ўргатиладилар. Бу ўз навбатида муайян ўқув вазиятларида амалга оширилади.
Ўқувчиларнинг эришган натижаларини назарий таҳлил қилиш уларда умумий мақсадларни ойдинлаштириш зарурлигига ишонч туғдиради. Ўқувчилар ўзларининг муайян фаолиятларини таҳлил қилишлари уларда ютуқларга эришишга қаратилган ишончни қарор топтиради. Бошланғич синф ўқитувчилари ўқувчилари олдиларига саволлар қўйиб уларни ушбу саволларга жавоб топишга ундаши лозим.