Она тили дарсларида ўқувчиларнинг билими уларнинг сўз ва луғат бойлигига қараб баҳоланади. Она тили фани бўйича баъзан ўқувчиларнинг билими юзаки, саёз эканлиги сезилиб қолади. Аксарият ўқувчилар сўз туркумлари ҳақидаги тушунчаларни дарсликдан шунчаки ёдлаб олишади. Лекин уларни амалга қўллашда қийналишади. Агар ўқитувчи дарсда ўқувчидан фақат қоидаларни ёдлашни талаб қилиб, дарсликдаги 2-3 машқни бажариш билан чекланса, ўқувчиларнинг мустақил, ижодий, мантиқий фикрлаш қобилиятини тўсиб қўйган бўлади.
Мен эса ўқувчиларда юқоридаги сифатларни ҳосил қилишда ёрдам берадиган, бошланғич синфларда нисбатан кам қўлланиладиган иншо тури ҳақида тўхталмоқчиман. У ҳам бўлса ўз шахсий кузатиш ва тажрибалари асосида ёзилган иншолардир.