Битирув малакавий ишда Алишер Навоийнинг “Лайли ва Мажнун” достонидаги Мажнун образининг ўзига хос хусусиятлари таҳлил этилган ва бу образ орқали Навоий илгари сурган ғоя аниқланиб, ушбу образнинг достонда тутган ўрни белгиланган. Ишда мажзуб жазба одами эканлиги олимлар фикрига таянилган ҳолда ёритиб берилган, мажзублик ҳолати, ҳақиқати ва фазилатлари очиб берилган, Мажнуннинг Худо йўлида хилватга чекинган сўфий сифатидаги фазилатлари таҳлилга тортилган, Мажнуннинг ишқ фарзанди эканлиги тадқиқ қилинган, Қайснинг ишқ доясидан парвариш топиши ёритилган, Мажнуннинг пок ишқ соҳиби, Ҳақ ошиғи сифатидаги хусусиятлари очиб берилган, унинг шоир, олим ва олийжаноб инсон сифатидаги фазилатлари таҳлил этилган.