O`quv qo`llanmada sinoptik va kosmik meteorologiyaning asosiy bo`limlari aks ettirilgan. Kitobda sinoptik va kosmik meteorologiya fanining nazariy savollari, sinoptik tahlilning asosiy amaliy usullari bayon qilingan. Sinoptik va kosmik meteorologiya fanlarining o`zaro bog`lanishiga katta e’tibor qaratilgan. Yer meteorologik sun’iy yo`ldoshlari tizimi to`g`risida ma’lumotlar keltirilgan.

Inson dunyoga kelibdiki, fikrlash, muloqot qilish, o`zida tug`ilgan qandaydir yangi fikr va mulohaza yoki kashfiyotlar paydo bo`lsa, uni boshqalarga tezda yetkazish va kelasi avlodga qoldirish niyatida bo`ladi. Ibtidoiy davrda insonlar birinchi bo`lib juda oddiy, sodda bo`lgan ma’lumotlarni har xil tasviriy shakllarni qoya toshlarga chizish orqali, o`zida bor barcha ma’lumotni tasvirlash bilan chizib qoldirishgan.

O`quv qo`llanma kasb-hunar kollejlari o`quvchilariga «Periferiya va ofis qurilma larini ta’mirlash va ishlatish» fanidan 200 soatga mo`ljallangan bo`lib, shaxsiy kom pyuterlarning turlari, modellari va tavsiflari, tizimli platani tanlash va o`rnatish, qattiq disk, audio jihozlar, axborotni aks ettiruvchi tizimlar, tarmoq adapterini o`rnatish va sozlash, kompyuterni ishga tayyorlash, shaxsiy kompyuterlarni takomillashtirish va elektr ta’minoti buzilishlaridan himoya qiluvchi qurilmalarga bag`ishlangan boblarni o`z ichiga olgan.

Selluloza tabiatda keng tarqalgan tabiiy polimerdir. U barcha o`simliklar tarkibida mavjud. Selluloza olish uchun xomashyoning asosini daraxt, bir yillik o`simliklar va paxta tozalash korxonalari chiqindilari paxta momig`i (lint) hisoblanadi. O`rmonga boy mamlakatlar daraxtdan, o`rmoni kam bo`lgan mamlakatlar esa bir yillik o`simliklar poyasidan va paxta tozalash korxonalari chiqindilaridan foydalanishadi.

Mazkur o`quv qo`llanma kasb-hunar kollejlari o`quvchilari uchun tuzilgan bo`lib, tasviriy san’atning yetakchi bo`g`ini hisoblangan «Rangtasvir» fani bo`yicha nazariy va amaliy bilimlarni kengroq berishni o`z oldiga maqsad qilib qo`ygan. Qo`llanmadagi mashg`ulot mavzulari xalqimiz milliy xususiyatlarini hisobga olgan holda tuzilgan

Har bir sohada bo`lgani kabi, tibbiyot sohasida ham chuqur islohotlar amalga oshirilmoqda. Hozirgi vaqtda otorinolaringologiya fani rivojlanib bormoqda. Otorinola- ringologiya amaliyotida operatsion mikroskopdan foydalanish, quloq-tomoq mikrojarrohligida qo`lga kiritilgan yutuqlar yordamida, a’zolar funksiyasini tiklash bilan shug`ul- lanuvchi jarrohlik imkoniyatlari yanada oshib bormoqda.

Eramizdan 8–7 ming yil oldin eng sodda payvandlash usullari mavjud edi. Asosan mis buyumlar payvandlanar edi, uni oldindan qizdirib so`ng bosim bilan payvandlanar edi. Mis, bronza, qo`rg`oshin xususiyatli metallardan buyumlar tayyorlashda, o`ziga xos quyma payvand bilan bajarilar edi. Birikadigan detallar qoliplanib, qizdirilar edi va tutashadigan joyiga oldindan tayyorlangan erigan metall quyilar edi.

Ushbu darslikda Respublikamiz tuproq-iqlim sharoitiga moslangan qishloq xo`jaligi mashinalarining asosiy turlari, jumladan, yerni ekin ekishga tayyorlash mashinalari, g`alla kombayni, kartoshka kavlash, paxta terish, don tozalash va boshqa mashinalarining umumiy tuzilishi, sozlanishi hamda texnologik jarayoni asoslari bayon qilingan. Shu bilan birga, amaliy mashg`ulotlarni o`tkazish yuzasidan tavsiyalar hamda o`quvchilarning har bir bob yuzasidan olgan bilimlarini tekshirish uchun namunaviy test topshiriqlari havola qilingan.

Mazkur kitob chorvachilik tarmoqlarida ishlovchi mutaxassislar, xo`jalik boshliqlari, oziq tayyorlash sexlari, omixta yem tayyorlash kombinatlari mutaxassislari, qishloq xo`jalik kollejlari, institutlari, boshqa sohadagi oliy o`quv yurtlarining qishloq xo`jalik fakultetlarida ta’lim olayotgan talabalar uchun darslik sifatida yozildi.

O`zbekiston to`qimachilik va yengil sanoatini rivojlantirishning asosiy omillari sifatida mahalliy to`qimachilik xom-ashyolarini qayta ishlash hajmini oshirish, ilg`or chet el firmalari bilan hamkorlikda soha korxonalariga eng yangi texnologiya va uskunalarni joriy etish e’tirof etiladi. Hozirgi vaqtda respublikada turli sohalardagi aktual muammolarni bartaraf etish uchun to`qimachilik materiallari, aynan fizik-mexanik xususiyatlari bo`yicha maxsus to`qimalarga bo`lgan talab hamon yetarli darajada emasligi ma’lum va yechimini kutayotgan dolzarb muammolardan biri hisoblanadi.

Respublikаmiz mustаqillikkа erishgаndаn keyin xаlq xo`jаligining hаmmа jаbhаlаridа, shu jumladan, tа’lim va tibbiyot sоhа lаrida hаm tub islоhоtlаr аmаlgа оshirilmоqdа. O`zbekistоn Respublikаsining «Tа’lim to`g`risidа»gi qоnuni, «Kаdrlаr tаyyorlаsh Milliy dаsturi», «Sоg`liqni sаqlаsh tizimini islоh qilish Dаvlаt dаsturi», «Fuqarоlаr sоg`lig`ini sаqlаsh to`g`risidа»gi qоnunlаrining qаbul qilinishi hаm tа’lim va tibbiyot tizimi rivоjigа kаttа tа’sir ko`rsаtdi.

Mazkur darslik umumiy psixologiya faniga bag`ishlangan bo`lib, psixologiyaga kirish, shaxs va uning individual-tiðologik xususiyatlari to`g`risidagi materiallarni qamrab olgan. Kitobda shaxs ehtiyojlari, qiziqishi, hissiyoti, xarakteri, irodasi, temperamenti, bilish jarayonlariga oid masalalar qiziqarli aks ettirilgan.Darslik kasb-hunar kollejlarining psixologiya fakulteti o`quvchilari uchun mo`ljallangan bo`lib, undan boshqa fakultetlarning talabalari ham foydalanishlari mumkin.

O`quv qo`llanma ikki qismdan iborat. Birinchi qism umumiy psixologiya masalalarini o`z ichiga oladi. Unda psixologiya fanining predmeti, vazifalari, ahamiyati, ilmiy tadqiqot uslublari, tarmoqlari, psixikaning fiziologik asoslari, shaxs psixologiyasi muammolari, diqqat, sezgilar, idrok, xotira, tafakkur va nutq, xayol, hissiyot, iroda, xarakter, temperament, qobiliyat kabilarning tabiati tahlil etib berilgan. Ikkinchi qism «Sport psixologiyasi» fanining predmeti, maqsadi, vazifalari, sportchining irodaviy sifatlarini rivojlantirish, harakat malakalarini o`stirish, sport jamoalaridagi o`zaro munosabatlarni psixologik tahlil qilish, sportchilarning individual psixologik xususiyatlarini o`rganish, sport musobaqalarini tahlil qilish, sportchilarni musobaqaga psixologik tayyorlash kabi masalalarni qamrab olgan.

Mustaqil Respublikamizda barcha sohalardagi kabi tibbiyot sohasida ham tub o`zgarishlar bo`lib o`tmoqda. Shu bilan birga kadrlar malakasini yaxshilashga ham katta e’tibor qaratilayapti. Biz tibbiyot kollejlari o`qituvchilari zimmasida jahon andoza lariga mos keladigan tibbiyot xodimlarini tayyorlashdek muhim vazifa turar ekan, ularni kerakli adabiyotlar bilan ham ta’minlash juda muhimdir. Ko`pgina tibbiyot kollejlari o`qituvchilari tomonidan yaratilayotgan o`quv darsliklar ham bunga misol bo`la oladi.

O`quv qo`llanmada polimerlarni qayta ishlash jarayonida polimer kompozitsion materiallar olish texnologiyalari, yuqori unumli qoliplash usullarini ishlab chiqish, plastmassalardan buyumlar ishlab chiqarish, rezina va uni qayta ishlash, lok-bo`yoq materiallar texnologiyasi va boshqa qator mavzular yoritilgan.

Ushbu o`quv qo`llanma kasb-hunar kollejlari o`quvchilariga mo`ljallangan. O`quv qo`llanmada tasviriy san’atning asoslaridan biri bo`lmish plastik anatomiya haqida ma’lumot berilgan. Xususan, plastik anatomiyaning vujudga kelish tarixi, odam tayanch organlari sistemasi, suyak va bo`g`imlarning birlashuvi, muskullar sistemasi, yuzning ayrim bo`laklari, tana qismlarining sathi va nisbatlari batafsil bayon etilgan. Shuningdek, o`quv qo`llanmada skeletning biriktiruvchi roli, uning qismlarining fazoda harakatlanishi, muskul massivlari harakatida gavdaning turli qismlaridagi o`zgarishlari va uning plastikasiga anatomik elementlarning ta’siri keltiril gan. Kitobdan «Òasviriy san’at» bakalavr yo`nalishi talabalari hamda shu sohaga aloqador bo`lgan barcha mutaxassislar foydalanishi mumkin.

Ushbu o`quv qo`llanmada piltalash va piliklash uskunalar tizimi, qo`shish jarayoni, pishitishning maqsadi va mohiyati, zaruriyligi, jadalligi va samaradorliklari, piltalash va piliklash jarayonlari, mashinalari, tasnifi, ularning tuzilishi, ishlashi, piltalash va piliklashda ishlatiladigan yangi texnika va texnologiyalar hamda ularning rivojlanish yo`nalishlari batafsil yoritilgan. To`qimachilik sanoatida amalga oshirilayotgan texnologik o`zgarishlar va ularning istiqboldagi rivojlanishiga bog`liq masalalar o`quv qo`llanmada o`z aksini topgan.

Ushbu o`quv qo`llanma kasb-hunar kollejlarining 3620606 Zootexnika yo`nalishi 3620603 Pillachilik ixtisosligining namunaviy o`quv dasturiga mos tuzilgan. Unda pillachilikda ishlatiladigan texnik jihozlarning eng keng tarqalgan nusxalarining tuzilishi, texnologik jarayoni, ulardan foydalanish tartibi keltirilgan. Jihozlarning tuzilishini tushuntirishni yengillashtirish maqsadida ularning sxemalari keltirilgan.

Darslikning nazariy qismida uchastka hamda oila tibbiyot hamshiralarining funksional vazifalari, bolalarning anatomofiziologik xususiyatlari, tekshirish usullari, bolalarni ovqatlantirish, bolalarda uchraydigan somatik va yuqumli kasalliklar haqida ma’lumot berilgan. Darslikning amaliy qismida esa, bolalarni tekshirish, davolash va parvarish qilish jarayonida bajariladigan amaliy ko`nikmalar va shoshilinch holatlarda bolalarga yordam ko`rsatish chora-tadbirlari yoritilgan.

«Pazandachilik texnologiyasi asoslari» oquv qo`llanmasida umumiy ovqatlanishda ishlatiladigan mahsulot va tayyor taomlarning barcha assortimentlarini ishlab chiqarish texnologik jarayonlarining ilmiy asoslarini va bu mahsulotlarning sifatiga qo`yiladigan talablar, taom tayyorlashning zamonaviy texnologiyasi, shuningdek, parhez taomlar, xillari, assortimentlari va ularni ishlab chiqish texnologiyasi hamda kimyoviy tarkibi bo`yicha to`liq ma’lumotlar berildi.