Органик синтезда, қолаверса нефторганик синтезда галогенлаш жараёнлари жуда муҳим жараёнлардан бири ҳисобланади. Чунки шу жараёнлар асосида реакцион қобилияти юқори бўлган оралиқ органик маҳсулотлар, эритувчилар, юқори молекульяр бирикмалар (винилхлорид, хлорпрен, монохлортрифторэтилен, дихлорэтан), галогенорганик ядохимикатлар (гексахлорциклогексан, гексахлорпентадиен ҳосилалари ) ва бошқа муҳим органик бирикмалар олинади.
Бундан ташқари айрим галоген органик бирикмалар совутиш техникасида (фреонлар), тиббиётда (хлораль, хлороформ, этилхлорид), гидравлик суюқликлар ва сурков мойлари (перфторуглеродлар) ҳамда бошқа соҳаларда кенг қўлланилади.