Ajdodlarimiz asrlar davomida musiqaning qudratiga tahsinlar o’qiganlar, o’z munosabatlarida, mehnat faoliyatlarida, hayotda undan bahramand bo’lganlar. Ezgu niyatlarini amalga oshirganlar. Endilikda musiqaning jozibali, husnkor ko’lami, uning mavqei yanada kengaydi, jamiyatda tutgan o’rni mustahkamlandi. Musiqa mamlakatimizda katta tarbiyaviy imkoniyatlarga ega bo’lgan mustaqil sohadir. O’quv tarbiya jarayonida musiqa yosh avlodga ahloqiy-estetik tarbiya berishning asosiy vositalaridan biri hisoblanadi, ta’lim jarayonining bir qadar jadallashuvi samaradorligi unga bog’liq.