Жаҳон соғлиқни сақлаш ташкилоти маълумотларига кўра “жигар диффуз касалликлари олдини олишнинг кўплаб замонавий имкониятлари бўлишига қарамай, жигар циррози (ЖЦ) касаллигининг ортиши аввалгидек сақланиб қолмоқда. Бунда яшаш прогнози, кўпинча, асосий касаллик асоратларининг ривожланишига боғлиқ” . Масалан, умумий ўлим кўрсаткичи бўйича ЖЦ 13-ўринни эгаллайди. Европанинг ўзида ЖЦ асоратларидан ҳар йили 170000га яқин бемор вафот этади.

Жаҳон соғлиқни сақлаш ташкилоти маълумотларига кўра, «жигар циррози (ЖЦ) йилига деярли бир миллион кишининг ҳаётига зомин бўлмоқда ва прогнозларга кўра яқин ўн йилликларда бу касалликдан азият чекканлар сони 60%дан ортиқроққа кўпаяди» . Портал гипертензияли (ПГ) ЖЦнинг энг қўп ва даҳшатли асорати бўлиб қизилўнгач ва ошқозон варикоз кенгайган веналари (ҚОВКВ)дан қон кетиш ҳисобланади. «Ўзбекистон Республикасида ҳар йили 2000дан ортиқ ҚОВКВдан қон кетиш ҳолатлари кузатилади, илк қон кетиш ҳодисасидаёқ ўлим кўрсаткичи 50%га етиши мумкин.

. Бугунги кунда жаҳонда жадал ривожланаётган нанотехнологиялар сохасида истиқболли йўналишлардан бири наноўлчамли металл силицид плёнкалар ҳосил қилиш ва уларнинг физик хоссаларини ўрганиш бўйича олиб борилаётган изланишлар ҳисобланади. Бу соҳада олиб борилаётган тадқиқот ишлари натижалари янги наноматериаллар, наностузилмалар яратилиши ва улар асосида янги авлод қурилмалари ва асбоблари ишлаб чиқарилишининг асосий омили ҳисобланади.

Жаҳон миқёсида бугунги кунда жадал ривожланаётган физик электроника соҳасида муҳим физикавий-кимёвий муаммолардан бири кўп атомли молекулаларни қизиб турган сиртдаги адсорбциясини ҳамда газли фазада содир бўлаётган физик-химик жараёнларни чуқур тушуниш муҳим аҳамият касб этмоқда. Амалий жиҳатдан қийин учувчи органик моддалар, шу жумладан, наркотик ва портловчи моддаларни юқори сезгирликда ва тез аниқлаш усулларини ишлаб чиқиш ва ривожлантириш жаҳон илмий ҳамжамиятининг долзарб вазифасидир.

Бугунги кунда жаҳон ҳамжамиятида бўлаётган глобал ўзгаришлар давлат бошқаруви соҳасида кўплаб тадқиқотлар жадал олибб борилишига асосий сабаблардан бири бўлмоқда. Чунки давлат ҳокимияти органлари фаолиятининг самарадорлиги жамиятни модернизациялаш асосий омили сифатида намоён бўлмоқда. Ҳозирги вақтда давлат бошқаруви соҳасида тадқиқотлар олиб бораётган марказлар ўз эътиборини, асосан, номарказлаштириш жараёнларига, давлат бошқаруви самарадорлигини ўлчаш индикаторлари шаклланишига, унинг бошқаруви жараёнида норасмий муносабатлар пайдо бўлиши ва ривожланишига қаратмоқда.

Диссертация мавзусининг долзарблиги ва зарурати. XX аср охири – XXI аср бошига келиб, ахборот-коммуникация тизимларининг тезкор суръатлар билан ривожланиши натижасида глобаллашув жараёнларининг миллий маданиятларга таъсири янада ортди. Бу жараён жаҳон тамаддунидаги ривожланишнинг тарихий мантиқини акс эттиргани боис ҳар жиҳатдан ижобий аҳамиятга эгадир. Шу билан бирга, глобаллашув жараёни миллий хусусиятларнинг бир хиллашиб қолишига олиб келмоқда ва оқибатда, халқларнинг маданий ўзига хослиги аста-секин барҳам топмоқда.

Диссертация мавзусининг долзарблиги ва зарурати. Замонавий жаҳон санъатида рўй бераётган глобал ўзгаришлар санъатнинг кўплаб тушунчалари ва бадиий мезонларини қайта кўриб чиқишни талаб этмоқда. Постмодернизм санъатнинг етакчи фалсафаси сифатида визуал санъатда инсталляция, перформанс, видео-арт каби янги шакллар ва жанрларнинг таркиб топишига олиб келди.

Жаҳон иқтисодиёти амалиётида чорвачилик тармоғи қишлоқ хўжалигига мўлжалланган ерларнинг йирик фойдаланувчиси ҳисобланади. Глобал кўламда қараганда қишлоқ хўжалиги ялпи маҳсулоти қийматининг 40 фоизига яқини чорвачилик тармоғига тўғри келмоқда. Аҳоли сони ва уларнинг даромадлари ўсиши, диетик талаблар ва турмуш тарзи ўзгариши натижасида чорва маҳсулотларига бўлган талаб ортиб бормоқда. Манбаларда таъкидланишича, “2030 йилга бориб, ривожланаётган давлатларда чорва маҳсулотларига жами талаб 2 баробарга ортиши кутилмоқда”.

Кўп тармоқли даволаш-профилактика муассасаларини дори воситалари билан таъминлаш сифатини ошириш учун тиббий-ташкилий ёндошувни такомиллаштириш.

ДЕГС бўлган болаларда касалликни ривожлантирувчи хавф омилларини белгилаш билан клиник-нейрофизиологик ва генетик хусусиятларини очиб бериш.

Яйловлардан фойдаланиш тизимининг иқтисодий, экологик ва ижтимоий талабларини таъминлаш ва ташкилий-иқтисодий асосларини такомиллаштириш бўйича илмий асосланган таклиф ва амалий тавсиялар ишлаб чиқиш.

Тадқиқотнинг мақсади ўзбек мифологияси, фольклори, хусусан, эпосида муҳим ўрин тутувчи етакчи тоғ образларини аниқлаш, тоғ образининг генезиси, халқ достонларидаги рамзий-бадиий мазмуни, эстетик вазифаларини кўрсатиш ҳамда тоғ образи иштирокидаги асосий барқарор шеърий мисралар таснифини тузиш, уларнинг семантик кўламини, аниқ маъно қирраларини ёритишдан иборат.

Тадқиқотнинг мақсади ўзбек ва қирғиз халқ мақолларининг юзага келиш тарихи, тараққиёт омилларини аниқлаш, тадрижий тараққиёт босқичларини текшириш, халқ фалсафий ва бадиий эстетик қарашларининг шаклланишида ижтимоий-тарихий ва географик муҳит ўрнини таҳлил этиш, ўзбек ва қирғиз халқ мақолларининг структурал, поэтик типологиясини ўрганишдан иборат.

Саноат чиқиндилари асосида кальций хлорат тутган, юмшоқ ва комплекс таъсир этувчи дефолиантларни олиш технологиясини ишлаб чиқиш

Қорақалпоқ паст навли фосфорит ва глауконитларини минерал кислоталар ва уларнинг тузлари, шунингдек органик моддалар билан кимёвий фаоллаштириш йўли билан мураккаб ўғитлар олишнинг рационал технологиясини ишлаб чиқиш.

Жаҳонда сув омборлар, гидроэлектростанциялардаги сув чиқариш иншоотлари пастки бьефлари элементларининг мустаҳкамлигини баҳолаш, бьефларнинг туташиш режимини аниқлаш, пастки бьеф мустаҳкамланган соҳаларида кинетик энергияни сўндириш усулларини яратиш муҳим масалалардан бири ҳисобланади. Шу жиҳатдан пастки бьеф мустаҳкамлигини таъминловчи сув урилма қудуқ ва рисберма соҳасининг қалинлигини ҳисоблаш учун гидродинамик зўриқишларни аниқлаш технологиясини такомиллаштириш алоҳида аҳамиятга эга.

Жаҳон тарихида шаҳарлар жамият ва давлат тараққиётининг кўрсаткичи сифатида илк давлатчилик давридан бошлаб муҳим аҳамият касб этиб келган. XXI аср бошларига келиб фан ва техника тараққиёти натижасида дунё мамлакатларида содир бўлган урбанизация жараёнлари таъсирида шаҳар маданияти жадал ривожланиб ўзгариб бормоқда. Шаҳарлар тарихини тадқиқ этишнинг илмий аҳамияти, энг аввало, ҳар бир шаҳарнинг ўзига хос хусусиятларини аниқлаш ва уларни ривожлантиришда тарихий омилларни эътиборга олиш зарурияти билан белгиланади.

Жаҳон соғлиқни сақлаш ташкилотининг 2017 йилдаги маълумотларига кўра, қизилўнгачнинг кимёвий куйиши (ҚКК) билан касалланганларнинг 70-75%ини 10 ёшгача бўлган болалар, 25-30%ини катталар ташкил этади. Қизилўнгачнинг энг кўп тарқалган патологияси фақатгина хавфли ҳосила қолдирувчи қизилўнгачнинг куйишдан кейинги чандиқли торайиши (ҚККЧТ) бўлиб қолмоқда.

n-типдаги кремний сиртига қўрғошин-бор-силикатли шишани қоплаш билан ҳосил қилинган МДЯ структуралар чегара соҳаларида рўй берадиган физик жараёнларга барча турдаги таъсирлар натижаларини ўрганиш орқали ток ташувчилар динамикасида муҳим бўлган факторларларни аниқлаш.

Қулоқ чаноғи тасвирлари таҳлили асосида шахсни таниб олиш алгоритмлари ва дастурлар мажмуасини ишлаб чиқиш.