Бугунги кунда дунёда чорвачилик тармоғининг тўла қийматли озуқа оқсили етишмовчилиги мауммосини ҳал этишда қиш мавсумида дағал озуқаларга кимёвий реагентлар билан ишлов бериш усулидан кенг фойдаланилмоқда.

Бугунги кунда дунёда нерв ҳужайраларида Са2+-гомеостазининг бузилишидан келиб чиқувчи, ижтимоий аҳамиятга эга бўлган нейродегенератив касалликлар сонининг барқарор ҳолатда ортиб бориши кузатилмоқда , . Нейродегенератив касалликларни, шунингдек, токсикологик ва наркологик заҳарланиш патогенезида зарарланувчи марказий/периферик нерв тизимини даволашда ўсимликлардан ажратиб олинган биологик фаол бирикмалар самарали нейропротектор, антитоксик препаратларни яратишда истиқболли манбалар сифатида фойдаланилади.

Дунёда ишлаб чиқарилаётган товарлар учун ҳар бир давлатнинг миллий Ташқи иқтисодий фаолият товарлар номенклатураси (ТИФ ТН)да тегишли кодларни қўллаш орқали тўланадиган бож миқдорини аниқ белгилаш ва пировард натижада товар ишлаб чиқариш фаолиятини либераллаштиришга катта эътибор қаратилмоқда.

Дунёда мавжуд бўлган беш юз минг ўсимлик турининг олти мингидан инсон кундалик ҳаётида фойдаланади. Шундан бир минг беш юз тури доривор ўсимлик сифатида муҳим аҳамиятга эга. Бугунги кунда ўсимликлардан доривор моддаларни ажратиб олиш, уларнинг кимёвий тузилиши ва биологик фаоллигини аниқлаш ҳамда уларни амалиётга тадбиқ этиш бўйича кўплаб тадқиқотлар амалга оширилмоқда.

Жаҳон амалиётининг кўрсатишича, миллий иқтисодиётда ишлаб чиқариш салоҳиятини ошириш ва унинг барқарорлигини таъминлаш мақсадида интеграциялашган корпоратив тузилмаларнинг бир тури бўлган молия-саноат гуруҳларининг ташкил этилиши муҳим ўрин тутмоқда. Замонавий молия-саноат тузилмалари, шубҳасиз, мамлакатда ва жаҳонда йирик иқтисодий ҳамда молиявий институтларга айланиши мумкин.

Бугунги кунда жаҳон цивилизациясининг постиндустриал мамлакатлар ҳамжамиятига айланиб бориши, ахборотлаштириш, компьютерлаштириш ва турли маданиятлараро мулоқотнинг глобаллашуви инсон ҳаёти, илм-фан ва тафаккур тарзи жабҳаларида жиддий ўзгаришларга олиб келди. Фалсафа ва фан соҳаларида содир бўлаётган дифференциация ва интеграция жараёнлари эса, биринчи-дан, парадигмал инновацияларнинг, иккинчидан, янги типдаги фалсафий ва илмий тафаккур тарзининг вужудга келишига сабаб бўлмоқда.

Жаҳонда ахборотлаштириш жараёнининг жадаллашуви “виртуалистика” деб аталган замонавий тадқиқот йўналишини юзага келтирди. ХХ асрнинг сўнгги ўн йиллигида шакллана бошлаган виртуалистиканинг тушунча ва тамойиллари, тадқиқот усуллари ўзининг аниқ изоҳларини талаб эта бошлади. Шу сабабли фалсафада виртуалистик билимларни замонавий постноклассик фан фалсафаси нуқтаи назардан ўрганиш эҳтиёжи туғилди.

Жаҳонда соғлом рақобат нафақат ижтимоий йўналтирилган бозор иқтисодиётининг ривожини таъминловчи омил, айни пайтда сиёсий муносабатларни тартибга солувчи восита, маънавий жараёнларни юксалтириш усули сифатида тан олинган. Айниқса, рақобатнинг дифференциал ва интеграл шакллардаамалга ошиши унинг айрим соҳаларда тармоқлашувини, аксарият ҳолларда жамиятнинг нисбатан ажратилган баъзи қисмларининг уйғунлашуви, бир-бирини тўлдириши борасида юз берадиган ижтимоий-иқтисодий муносабатларда намоён бўлмоқда.

XXI асрда хотин-қизлар ижтимоий-сиёсий ва иқтисодий институтлараро мулоқотларнинг фаол субъектига айланди. Жамиятдаги эмансипация, секуляризация каби жараён-лар туфайли ушбу социал-демографик гуруҳнинг роли ижтимоий ҳаётнинг кўплаб соҳаларида сезиларли даражада орта бошлади. Ҳозирги пайтда аёллар интеллектуал салоҳиятининг ўсиши уларнинг фаоллигини оширмоқда. Иқтисодий демократиянинг асосий мезонлари ичида аёлларнинг кичик бизнес ва тадбиркорлик билан шуғулланиши алоҳида қайд этилар экан, бу мураккаб ва серқирра феноменни фалсафий таҳлил қилиш эҳтиёжи вужудга келади.

Жаҳон иқтисодиёти ўсиш суръатларидаги беқарорликнинг олдини олиш, унинг ижтимоий-иқтисодий ривожланишга таъсирини юмшатишда бошқарув ҳисобида бюджетлаштириш жараёнларининг самарали ташкил этилиши муҳим аҳамият касб этади. Халқаро амалиёт таҳлилига кўра, Европанинг ривожланган давлатларида бухгалтернинг функциясига нафақат ҳисоб юритиш, балки cегментлар бўйича даромад ва харажатлар сметасини тузиш, калькуляциялаш, истиқболни башорат қилиш каби вазифалар ҳам юклатилиб, халқаро тажрибада фирма ва компаниялар бухгалтерия ҳисоби соҳасидаги иш вақтининг 90 фоизини бошқарув ҳисобини ташкил этиш ва юритишга сарфлайдилар.

Тадқиқотнинг мақсади пиридо[2,3-d]пиримидин-4-онлар синтези ва электрофил реагентлар билан реакцияларидаги реакцион қобилиятини қиёслашдан иборат.

Тадқиқот ишининг мақсади симоб, кумуш ва палладий ионларини метрологик тавсифлари ва аналитик параметрлари яхшиланган сувли муҳитларда тиомочевина ва тионалид эритмалари билан амперометрик титрлаш усулини ишлаб чиқишдан иборат.

Мақсади ижро ҳокимиятида бошқарув маданиятининг ривожланиш тенденцияларини очиб бериш асосида давлат бошқаруви самарадорлигини оширишнинг омилларини аниқлаштириш.

Тадқиқотнинг мақсади информатика ва ахборот технологиялари соҳаси педагогларининг умумкасбий фанлар интеграциясида касбий компетентлигини шакллантиришга оид таклиф ва тавсиялар ишлаб чиқишдан иборат.

Тадқиқотнинг мақсади суғориладиган сур тусли қўнғир ўтлоқи ва суғориладиган типик бўз тупроқларнинг агрокимёвий, сув–физик хоссалари ва механик таркибини аниқлаш, кузги буғдойнинг ўсиши, ривожланиши, ҳосили ва дон сифатига ўғитларнинг таъсирини аниқлаш, ўғитлар самарадорлигини кўтариш, ҳар бир кузги буғдой нави учун мақбул ўғит меъёрларини ва уларни қўллаш муддатларини ишлаб чиқишдан иборат.

Янги физиологик фаол моно- ва бис- 1-арил-тетрагидроизохинолин қатори ҳосилаларини синтез қилиш, уларнинг физик-кимёвий хоссаларини тавсифлаш ва улар орасидан истиқболли биологик фаол бирикмаларни аниқлаш.

Хоразм достончилик анъанасида муҳим ўрин тутган «Саёд ва Ҳамро» достонининг турли версия ва вариантлари, оғзаки, тошбосма ва нашрларини қиёсий тадқиқ этиш асосида мазкур вариант ва версияларнинг муштарак ҳамда ўзига хос ва фарқли хусусиятларини аниқлаш, достоннинг тарихий асосларини ёритиб бериш, достон сюжет тизимида образлар ўрнини таҳлил этиш, бир достон мисолида халқ оғзаки ижод намуналарининг юзага келиш ва тараққий этиш, жонли ижро жараёнида яшаш қонуниятларини очиш ҳамда эпик ижод бадииятини кўрсатиш.

Бугунги давр қиссаларига хос бадиий-эстетик таҳлиллар орқали ўзбек қиссачилигига хос услубий йўналишлар, ижодий индивидуаллик ва поэтик тил муаммосини ўрганиш ҳамда уларнинг жанр такомили ва ғоявий-бадиий мундарижасидаги аҳамиятини тадқиқ этиш асосида муайян илмий-назарий қарашларни умумлаштириш.

ХХ аср бошларида ўзбек фольклорининг ўрганилиши тарихини Абдурауф Фитрат, Ғози Олим Юнусов ва Элбек фаолияти мисолида ёритиш, уларнинг ўзбек фольклоршунослиги шаклланиши ва назарий тараққиётидаги улушини аниқлашдан иборат.

Бугун дунёда кадрлар жамият тараққиётининг асосий ҳал қилувчи кучига айланиб, улар фаолиятининг самарадорлигини ошириш муҳим вазифа ҳисобланади. Ҳар бир давлатда ислоҳотларнинг изчил ва самарали амалга оширилиши, ижтимоий-сиёсий, иқтисодий ва ҳуқуқий жиҳатдан ривожланишини таъминлайдиган кадрларини тайёрлаш ва жой-жойига қўйиш устувор вазифа ҳисобланади. Айниқса, сиёсий жараёнлардаги ўзгаришлар давлат хизматига муносиб кадрларни тайёрлаш масаласини янада долзарблаштирмоқда.