Тадқиқотнинг мақсади дегенератив-дистрофик касалликлари бўлган беморларда жарроҳлик ва консерватив периоперацион даволашни оптималлаштириш йўли билан тизза бўғимини тотал эндопротезлаш натижаларини яхшилашдан иборат.

Педагогика олий таълим муассасалари талабаларининг медиакомпетентлигини ривожлантириш технологиясини такомиллаштириш.

Жаҳон соғлиқни сақлаш ташкилоти маълумотларига қараганда, таянч-ҳаракат тизими шикастланишларида қўл жароҳатлари етакчи ўринлардан бирини эгаллаб, «умумий синишларнинг 30% дан 50% ини ташкил этади, уларнинг 33%дан 48%гача қисми кафт суяклари синишларига тўғри келади», даволашнинг турли янги тизимлари ва усуллари ишлаб чиқилганига қарамай «асоратларнинг сони юқорилигича қолмоқда ва бу кўрсаткич 11,2–31,9 %ни ташкил этади».

Тадқиқотнинг мақсади касб-ҳунар коллежларида “Информатика ва ахборот технологиялари” фанини ўқитиш жараёнида дидактик ўйинлардан самарали фойдаланиш методикасини такомиллаштиришдан иборат.

Бугунги кунда республикамизда ўсмирларни мамлакатимиз конституциявий тузими, суверинитети ва ҳудудий яхлитлигини ҳимоя қилиш руҳида тарбиялаш, барча таълим муассасаларида ёшларни оила ва жамиятни асрашга ўргатиш бўйича тегишли фанлар ва машғулотларни жорий этиш, уларнинг мафкуравий иммунитетини мустаҳкамлаш, ижтимоий фаоллигини ошириш ва истеъдодини қўллаб-қувватлаш, жисмоний ва руҳий ривожланишига кўмаклашиш, техникавий ҳамда касб-ҳунарга оид билим ва маҳорат даражаларини ошириш, ўқувчи-ёшларни мустақил ҳаётга тайёрлаш учун кенг имкониятлар яратилди.

Дунёда аёллар экстрагенитал касалликлари ичида юрак қон-томир хасталликлари (ЮҚТХ) етакчи ўринда туради. Ҳомиладор аёлларда ЮҚТХнинг тарқалиши 8-10% ни ташкил этса, экстрагенитал касалликлар орасида эса 80% гача етади. Жаҳон соғлиқни сақлаш ташкилотининг (ЖССТ) маълумотларига кўра, ҳар куни аёлларнинг тахминан 830 нафари ҳомиладорлик ёки туғруқ вақтидаги асоратлар туфайли ҳаётдан кўз юмади.

Сурункали юрак етишмовчилиги (СЮЕ) юрак-қон тизимининг кўп тарқалган, тараққий этувчи ва прогностик нохуш касалликларидан бири ҳисобланади, унинг ижтимоий аҳамияти беморлар ўлим даражасининг юқорилиги, госпитализация учун кўпроқ сабаб бўлиши, ҳаёт сифати (ҲС)нинг ёмонлашуви ва ҳаётга лаёқатлиликнинг чекланиши билан тавсифланади.

Дунёда аҳоли сонининг ортиб бориши уларни озиқ-овқат маҳсулотларига бўлган талабининг ҳам ошишига олиб келмоқда. Бу ўринда табиий ўсимлик ресурсларидан, жумладан, Elaeagnaceae оиласи вакилларидан аҳолини озиқ-овқат ҳавфсизлигини таъминлашда стратегик восита сифатида фойдаланиш муҳим саналади. Шунга кўра, қишлоқ хўжалиги экинларига муқобил сифатида ушбу оила вакиллари ресурсларидан самарали фойдаланиш, улар орасидан озиқабоп турларни ажратиб олиш ва ишлаб чиқаришга жорий этиш алоҳида аҳамиятга эга.

Жаҳон иқтисодиётида юксак иқтисодий салоҳиятга эга корпоратив бизнес тараққиётининг замонавий тенденциялари мазкур тузилмаларнинг молиявий-хўжалик фаолиятини кенг тадқиқ қилишни тақозо этмоқда. Чунки мулкчиликнинг акциядорлик шаклига асосланган тадбиркорлик субъектлари, айниқса энг йирик 200 та компаниянинг жаҳон ялпи ички маҳсулотидаги улуши XX асрнинг 80-йилларида қарийб 25 фоизни, 2000 йилда 27,5 фоизни, 2005 йилда 29,3 фоизни, 2015 йилга келиб эса 31,3 фоизни ташкил этди. Жаҳон акциялар бозорининг капиталлашув даражаси 2017 йилда 50 трлн. доллардан ошди.

Жаҳон амалиётида олтин-кумуш конлари вулканизм, асосан субвулканик, эксплозив ва дайка ҳосилалари билан парагенетик боғланган эди. Дайкалар бўйича олинган илмий тадқиқот натижалар бир қатор геология, петрология ва маъданлашувни масалаларини ечишга имконият яратиб беради. Шунинг билан биргаликда асл металлар конларининг ҳосил бўлишидаги плутоник дайкаларини аҳамиятини аниқлаш асосий меъзонлардан биридир.

Тадқиқотнинг мақсади лёссимон жинсларининг орган-минерал қўшимча қўшилганида сорбцион хусусиятларини баҳолашдан иборат.

Тадқиқотнинг мақсади 1991–2017 йилларда Ўзбекистон Республикаси-нинг Бирлашган Миллатлар Ташкилоти билан ҳамкорлик алоқалари тарихини ёритиб бериш.

Ўзбек халқининг бола тарбиясидаги XX асрнинг иккинчи ярми−XXI аср бошларига оид анъаналар ва инновацияларнинг моҳиятини этнологик аспектда очиб бериш.

Тадқиқотнинг мақсади детектив асарларнинг поэтикаси масалалари, шунингдек, ижтимоий-ахлоқий муаммоларни ёритишда муаллифнинг ижодий услуби ва бадиий маҳоратини очиб беришдан иборат.

УМУМИЙ ЎРТА ТАЪЛИМ МАКТАБЛАРИДА ЎСМИРЛАРНИ МУСТАҚИЛ ҲАЁТГА ТАЙЁРЛАШНИНГ ПЕДАГОГИК МЕХАНИЗМЛАРИНИ ТАКОМИЛЛАШТИРИШ (Қорақалпоғистон Республикаси мактабларининг ўсмир ўғил болалари мисолида)

Дунёнинг қатор мамлакатларида XII–XIII асрларда Испаниянинг Толедо, Сарагосса, Сеговия, Наварра, Севилья ва Барселона шаҳарларида йўлга қўйилган таржима фаолиятининг тарихига алоҳида эътибор қаратилмоқда. Санаб ўтилган марказлар орасида Толедодаги таржима мактабининг фан тарихида тутган ўрни ниҳоятда муҳим бўлганлиги сабаб, мазкур мактабга алоқадор масалаларни тадқиқ этиш юзасидан устувор йўналишларда илмий изланишлар олиб борилмоқда. Шунга қарамасдан, мактабнинг ташкил топиши, таркиби, у ердаги таржима ишлари, илмий фаолият, таржимон ҳамда олимларнинг ҳаёти ва ижоди каби масалалар ҳануз яхлит тарзда, тўлалигича ўрганилмай қолмоқда.

Жаҳон цивилизацияси ривожига катта ҳисса қўшган аждодларимизнинг ёзма мероси намуналарини тадқиқ қилиш, илмий муомалага тортиш манбашунос ва тарихчи олимлар олдида турган долзарб вазифалардан биридир. Дунё илмий жамоатчилиги вакиллари томонидан мамлакатимиз тарихини ўрганиш асосан қўлёзма манбалар асосида олиб борилмоқда.

Жаҳон соғлиқни сақлаш ташкилоти (ЖССТ) ҳамда Жароҳатлар хирургияси ва интенсив хирургик терапия халқаро ассоциацияси (IATSIC) маълумотларига кўра «жароҳатлар бутун дунё мамлакатларида инсонлар ўлимига олиб келувчиучта асосий сабаблардан бири бўлиб, жиддий ижтимоий муаммо ҳисобланади».

Антифрикцион- ейилишбардош композицион материаллар ва улар асосида қозиқчали деталлар олишнинг самарали технологиясини ишлаб чиқиш.

Жаҳон адабиётида «Бобурнома» мемуар жанрининг нодир намунаси бўлиш билан бирга, тарихий-бадиий асар сифатида катта аҳамият касб этади. Бу асар илм-фаннинг турли соҳаларини қамраб олувчи қомусий манба ҳисобланади. Шу жиҳатдан буюк мемуар асар дунё олимларига барча соҳаларда бебаҳо маълумот берувчи, ўзбек халқининг жаҳондаги бошқа миллатлар билан адабий-маданий алоқалари тарихини тадқиқ этувчи ҳамда унинг маданияти юксалишига хизмат қилувчи ноёб манбадир.