Ushbu o`quv-qo`llanmada internetning yaratilishi, tarixi, internet haqida tushuncha, internet bilan ishlash asoslari, internetga ulanish, provayderlar, brauzerlar bilan ishlash,internetda texnik xavfsizlik, internet xizmatlari, internet tarmog`ining bibliografik resurslari, axborot-kutubxona muassasalarida elektron pochta, anjumanlarda ishtirok etish kabi mavzular yoritilgan.

Zaharli gazlardan harbiy maqsadlarda foydalanish g`oyasi mashhur nemis kimyogari V. Nernst tomonidan XIX asrda ilgari surilgan. XIX asrning ikkinchi yarmida Yevropada kimyo sanoatining rivojlanishi bu g`oyani amalga oshirish imkonini bergan.

Gistologiya (yunon. histos – to`qima, logos – ta’limot) fani hujayra, to`qima va a’zolarning taraqqiyoti, tuzilishi hamda ularning hayot faoliyatini o`rgatuvchi ta’limot. Gistologiya anatomiya, fiziologiya, biologik kimyo, patologik anatomiya kabi tibbiyot fanlari va biologiyaning turli sohalari bilan uzviy bog`langan. Hozirgi vaqtda gistologiyaning sitologiya, embriologiya, umumiy va xususiy bo`limlari mavjud.

Mustaqillikning ilk kunlaridan boshlab O`zbekistonda atrof-muhit muhofazasi, ekologik fan, ta’lim, tarbiya va madaniyatga juda katta e’tibor berildi. Zero, sobiq Ittifoq mamlakatlari ichida birinchi bo`lib qabul qilingan O`zbekiston Respublikasi Konstitutsiyasining 128 ta moddasidan 5 tasi (50, 54, 55, 93, 100) bevosita, qolgan 123 tasi va muqaddimasi bilvosita tarzda ekologik munosabatlarni huquqiy tartibga solishga qaratildi.

O`quv qo`llanmada gaz ta’minoti tizimi jihozlarini qurish, foydalanish va ularni ta’mirlash asosi izohlangan. Gaz quvurlari, GÒP, ichki xonadon jihozlari, suyultirilgan gazni saqlovchi guruh jihozlaridan foydalanuvchi ishlab chiqarish binolari, shaharlarda, ishchi posyolkalarida hamda qishloq joylarida qurish va montaj qilish ishlarida texnik tekshiruv usullariga e’tibor berilgan.

Garmoniya oliy va o`rta maxsus musiqiy ta’lim muassasalarida o`rganiladigan murakkab musiqiy-nazariy fanlardan biri bo`lib, talabalarni kompozitorlik ijodiyotining muhim masalalari va nazariy musiqashunoslikning asosiy muammolari bilan yaqindan tanishtirish hamda musiqiy til tizimi va garmo niyaning unda egallagan o`rni haqida aniq tushunchalar bеrishga mo`ljallangan.

Sistemalı programmalastırıw páninen laboratoriya jumısların orınlaw ushın metodikalıq kórsetpeler. Laboratoriya jumısların orınlaw ushın metodikalıq kórsetpe. O’quv uslubiy qo’llanma qaraqalpaq tilida lotin grafikasida tayyorlangan.

Fanning asosiy maqsadi mehnatni tashkil etish, mehnatni me’yorlashning umumiy usul va uslublarini o’zlashtirish, vaqt sarfini samarali boshqarish, mehnatga haq to’lash shakl va tizimlarini o’zlashtirish bo’yicha talabalar bilimlarini oshirish va chuqurlashtirish hisoblanadi.

Qadimgi tibbiyot adabiyotlariga ko`ra, davolash muassasalarida dorilarni tayyorlash bo`yicha maxsus laboratoriya (dorixonalar) mavjud bo`lganligi azaldan ma’lum. Ular Qadimgi Misr, Xitoy va Hindistonda davolash muassasalarida eramizdan bir necha asr ilgari tahlil ishlarini olib borishgan.

Alohida tibbiy yordam ko`rsatishni kuchaytirish, onalik va bolalikni himoya qilish, sog`lom avlodni kamol toptirish borasida, milliy tibbiyotimiz va farmatsevtikamiz rivojlanishida O`zbekiston Respublikasining “Ta’lim to`g`risida”gi, “Fuqarolar sog`lig`ini saqlash to`g`risida”gi qonunlari, "Sog`liqni saqlash tizimini isloh qilish davlat dasturi"ning qabul qilinishi katta ahamiyat kasb etdi.

Farmakognoziya talabalarga mutaxassislik beradigan va farmatsevtika institutlarida (yoki fakultetlarida) hamda tibbiyot kollejlarining farmatsevtika bo`limlarida o`qitiladigan asosiy fanlardan biridir. Farmakognoziyadan yozilgan bu darslik tasdiqlangan hamda amalda ishlab turgan dastur asosida tuzilgan bo`lib, talabalarga dorivor o`simliklar va qisman hayvonlardan olinadigan mahsulotlar (dorivor o`simliklar va ularning mahsuloti nomlari, morfologik tasviri, o`sish yoki ekiladigan joyi, yig`ish, quritish, saqlash va tahlil qilish usullari hamda tibbiyotda qo`llanishi) to`g`risida to`liq ma’lumot beradi.

Ushbu o`quv qo`llanma o`rta maxsus musiqa o`quv yurtlarida tahsil oluvchi o`quvchilarga estrada cholg`ulari ijrochiligi sir-asrorlarini atroflicha o`rgatish borasida uslubiy ko`rsatmalar beruvchi muhim manbadir. Kitobda o`quv fanining didaktik asoslari, cholg`u bilan tanishish, musiqa eshitish qobiliyatini rivojlantirish kabi qator mavzular yoritilgan. Qo`llanmadan estrada cholg`ularini o`qitish uslubiyotidan saboq beruvchi o`qituvchilar, shuningdek, estrada cholg`u ijrochiligi sohasida faoliyat yurituvchilar foydalanishlari mumkin.

Ushbu o`quv qo`llanma uch qismdan iborat bo`lib, birinchi qismda qishloq xo`jalik o`simliklari zararkunandalarining morfologiyasi, anatomiyasi, bioekologiyasi va sistematikasi asoslari bayon etilgan. Ikkinchi qismda qishloq xo`jalik o`simliklari zararkunandalarining bioekologiyasi va ularga qarshi zamonaviy kurash tizimi to`g`risida, uchinchi qismda qishloq ho’jaligi fitopotologiyasi bo’yicha ma’lumotlar berilgan.

Ushbu qo`llanma kasb-hunar kollejlarining barcha yo`nalishlari uchun tuzilgan Davlat ta’lim standartlari o`quv dasturi asosida va „Elektrotexnika va elektronika asoslari“ predmeti kasb-hunar kollejlarining elektroenergetika asosiy bo`lmagan yo`nalish va mutaxassisliklari o`quv dasturlariga muvofiq yozilgan.

Ushbu kitobda elektr tarmog`i korxonalarining tuzilmasi va ulardan foydalanish sxemalari, havodagi va kabelli elektr uzatish liniyalari, taqsimlovchi qurilmalar, elektr apparatlari, transformatorlar va avtotransformatorlar, rele himoyasi va avtomatika qurilmalariga texnik xizmat ko`rsatish, ularni ishlatish va ta’mirlash hamda ushbu ishlarni bajarishda xavfsizlik texnikasi qoidalariga oid masalalar keltirilgan.

Ushbu o`quv qo`llanma qishloq va suv xo`jaligini avtomatlashtirish, elektroenergetika, texnologik jarayonlarni avtomatlashtirish va elektromexanika yo`nalishlarida ta’lim olayotgan kollej talabalari uchun mo`ljallangan. O`quv qo`llanmada asosiy o`lchov birliklari, o`lchash asboblari, o`lchash xatoliklari va o`lchash usullari haqida ma’lumotlar keltirilgan.

Ushbu darslikda ekologiya va atrof-muhit muhofazasi haqida asosiy tushunchalar berilgan. O`quv adabiyoti nazariy-amaliy qismdan iborat bo`lib, unda ekologiya, tabiatdan foydalanish, atrof-muhit muhofazasi masalalari va muammolari qarab chiqilgan. Xususan, organizmlar, ularning muhit bilan o`zaro ta’siri, populatsiyalar, biosenozlar, ekologik tizimlar, biosfera va uning evolutsiyasi, odam ekologiyasi, biosferaga antropogen ta’sirlar, tabiatdan to`g`ri foydalanish va atrof-muhit muhofazasining asosiy tamoyillari, sanoat va qishloq xo`jaligi ekologiyasi asoslari, ekologiya huquqi kabi masalalar tavsifi bayon etilgan.

O`zbekiston Respublikasi davlat mustaqilligining birinchi yilla ridan boshlab «O`zbekiston Respublikasining Konstitutsiyasi», «Ta’lim to`g`risida»gi Qonuni, «Kadrlar tayyorlash milliy dasturi» va boshqa bir qator qonunlar asosida yaratilgan malakali kadrlar tayyorlash tizimi o`zining strategik maqsadlariga ega ekanligini isbotlab berdi.

“Dori turlari texnologiyasi” amaliy fan bo`lib, kimyo, fizika, anatomiya, fiziologiya, farmakologiya, mikrobiologiya, farmakognoziya, farmatsevtik kimyo kabi fanlar bilan uzviy bog`langan. Ushbu o`quv-qo`llanma tibbiyot kollejlarining farmatsiya yo`nalishida tahsil olayotgan o`quvchilar uchun mo`ljallangan.

Dendrologiya (yunon.dendron - daraxt va logos — fan) botanikaning bir qismi bo`lib, daraxt o`simliklarining tashqi va ichki tuzilishi, toksonomik joylashishi, tur ichidagi sistematikasi va fiziologiyasi, ekologiyasini o`rganadi.