Озиқ-овқат маҳсулотлари одам организми учун энергия манбаи ва тўқималари учун қурилиш материали сифатида зарурдир. Уларнинг ичида ёғ-мой махсулотлари, жумладан, маргарин ва кулинар ёғлар алоҳида ўрин тутади. Озиқ-овқат маҳсулотларининг кўпчилиги мураккаб кимёвий таркиб ва тузилишга эга бўлган ўсимлик ва ҳайвон ёғлари ёрдамида ишлаб чиқарилади. Ёғ-мой ҳом ашёларидан озиқ-овқат маҳсулотлари ишлаб чиқариш жараёнлари ҳам мураккабдир. Озиқ-овқат товар махсулотларининг юқори сифатли бўлишига физика, кимё, механика, теплофизика, микробиология ва биокимё қонуниятларига асосланган қайта ишлаш усулларини қўллаш орқали эришилади.