Мазкур услубий кўрсатма 5141700- мактабгача таълим ва болалар спорти таълим йўналиши талабалари учун «Мактабгача педагогика» фанидан курс ишларини тайёрлаш учун мўлжалланган бўлиб, Ўзбекистон Республикаси Олий ва ўрта махсус таълим вазирлигининг 2008 йил 7 мартдаги 61-сонли буйруғи билан тасдиқланган. “Олий таълим муассасаларида курс ишисини бажариш тартиби ҳақида НИЗОМ” асосида ишлаб чиқилган. Талабалар мактабгача ёшдаги болаларнинг маънавий, жисмоний, ақлий – аҳлоқий, иқтисодий, ҳуқуқий, экологик таълимини амалга оширишнинг метод ва воситалари, Ўзбекистонда ижтимоий мактабгача таълимни ташкил этишнинг асосий босқичлари, асосий хусусиятлари ва мактабгача таълим бўйича юқори малакали раҳбар, методист-назоратчи ва тарбиячиларни тайёрлаш вазифалари, методлари, халқ таълими бўлимининг асосий вазифалари, методик раҳбарлик қилиш тамойиллари каби масалалар бўйича курс иши тайёрлайдилар.