Тадқиқотлардан шу нарса аниқландики, гомогенли жуфтлаш натижасида олинган I-гуруҳдаги биринчи туғум сигирлар, ўз тенгқурлари гетерогенли жуфтлашдан олинган II ва III- гуруҳлардаги биринчи туғум сигирларга қараганда 81,9 ва 163,2 озиқа бирлиги миқдорида кўп озиқа истеъмол қилган. Истеъмол қилинган озиқанинг асосий қисмини яшил ва ширали озиқалар ташкил қилган бўлиб, жами озиқа гуруҳларда тегишлича: 66,2; 65,5 ва 64,9 фоиз бўлган.
Тажрибадаги ҳайвонларнинг ўсиш ва ривожланиши бўйича ҳам гуруҳлараро фарқ кузатилган. Хусусан, 6 – ойлик буғозликдаги ғуножин ва лактациянинг 3 ойлигидаги сигирларнинг тирик вазни бўйича фарқ, I- гуруҳ фойдасига шунга мос равишда: 2,7 ва 7,2 кг ҳамда 36,8 ва 40,5 кг ни ташкил этган. Айнан шу гурухдаги биринчи туғум сигирлари ўзининг экстерьер- конститутцион тузилиши жиҳатидан сутбоб сигирларга мос бўлган.