Шаҳар ҳудудини комплекс ободонлаштириш –бир қанча техник, иқтисодий, архитектуравий масалалар билан боғлиқ бўлган соҳадир. Шаҳар
ҳудудини комплекс ободонлаштириш шаҳарсозликнинг режалаштириш жараёни билан биргаликда мавжуд шаҳарларда амалга ошириладиган
ишларнинг катта қисмини ташкил қилади. Ҳудудни инженерлик ободонлаштириш ишлари шаҳарсозликда муҳим аҳамиятга эга бўлиб, уларга
аҳолига юқори даражадаги қулайликлар яратиш билан турли табиий ва техноген жараёнларнинг олдини олиш буйича махсус мухандислик-техник
тадбирлар амалга оширилади.Комплекс ободонлаштириш элементлари сифатида шаҳарсозликда қуйидаги ишларни келтириш мумкин: шаҳар
ҳудудини вертикал режалаштириш ва ташқи сувларни қочириш, жарликлар, кўчкили, сув босадиган ва ботқоқли жойларни узлаштириш ва
ободонлаштириш, қуруқ-иссиқ минтақаларда жойлашган шаҳар ҳудудини сув билан таъминлаш ва сунъий суғориш тизимини яратиш, зилзилавий
районларни шаҳар қурилиши учун ўзлаштириш; кўча-йўл тармоғи ҳамда микрорайон ҳудудларини, ободонлаштириш, тиргак деворларни қўллаш,
габион конструкциялардан фойдаланиш; спорт иншоотларини барпо этиш ва ободонлаштириш; дарё ва сув омборлари қирғоқларини ободонлаштириш;
кўчалар, майдонлар ва шаҳарнинг бошқа жойларини сунъий ёритиш; бундан ташқари, шаҳарларда аҳолини шовқин таъсиридан ва қуёш радиациясидан
сақлаш масалаларидир.