Tadqiqotning maqsad va vazifalari—to’yinmagan poliefir smola asosida kompozitsion material olish jarayonlarini soddalashtirish, tosh olishda ishlatiladigan antiadgezivlarni topish, ular ichidan eng optimal turlarini tanlab olish, antiadgeziv va sun’iy tosh orasidagi bog’lanishni o’rganish, unga ta’sir etuvchi turli ta’sirlarni aniqlash, sun’iy tosh olish jarayonidagi iqtisodiy xarajatlarni kamaytirish va yuqoridagilarga amal qilgan holda olingan mahsulotning fizik-kimyoviy xossalarini saqlab qolish. Poliefir asosida sun’iy marmar olish texnologiyasi xoh kichik hajmda, xoh katta miqyosda bo’lishidan qat’iy nazar uni optimallashtirib, O’zbekiston sharoitiga moslashtirilib, arzon xom-ashyodan foydalanib, bir qancha afzalliklarni o’zida jamlagan, osonlik bilan qayta ishlanadigan maxsulot yaratish bugungi kunda bizning bosh maqsadimiz xisoblanadi.