Ўзбекистон Республикаси Президентининг 2012 йил 10 декабрдаги “Чет тилларини ўрганиш тизимини янада такомиллаштириш чора-тадбирлари тўғрисида”ги қарорида белгиланган вазифалар ижросини тизимли давом эттириш, чет тили ўқитувчиларининг касбий маҳоратини оширишни сифатли ташкил этиш мақсадида бир қатор ишлар амалга оширилди.
Жумладан, 2013-2014 ўқув йилидан бошлаб республикадаги барча умумтаълим мактабларининг 1-синфларида чет тиллари ҳафтасига 2 соатдан ўқитила бошланди. Бу йил сентябрда ушбу болажонлар 3-синфда чет тилларини ўрганишни давом эттирадилар.
Узлуксиз таълим тизими учун чет тилларидан янги Давлат таълим стандартлари, ўқув дастурлари ҳамда инглиз тилидан “Kids’ English”, немис тилидан “Deutsch macht spab” ва француз тилидан “Hirondelle” дарслик мажмуалари яратилди ҳамда биринчи марта 1-2-3 синфлар учун (дарслик, ўқувчи китоби, машқ дафтари