Сўнгги пайтларда катталар таълими доирасида бир қатор илмий изланишлар олиб борилди ва улар асосида илмий мақолалар эълон қилинди. Шу билан бирга махсус адабиётларда баъзан мутахассислар малакасини ошириш курсларининг мазмуни, ташкиллаштирилиши ва самарадорлиги ҳақида қарама-қарши фикрлар ҳам учрамоқда. Малака ошириш тизимини такомиллаштириш юзасидан кўплаб илмий ишлар эълон қилиниши билан бир қаторда тизим самарадорлиги масаласи етарлича ўрганилмай қолмоқда.
Таълим соҳаси мутахассисларининг малака ошириш курслари самарадорлигини ўрганиш бугунги кунда долзарб масалага айланган. Бу долзарб масаланинг асоси шундан иборатки, таълим соҳаси мутахассисларининг профессионал малакасига юқори талаб қўйилиши билан бир қаторда уларнинг малакасини оширишнинг етарли даражада самарали тизими яратилмаганлигидадир.