Замонавий мактаб фаолиятини баҳолаш таълим ва тарбия сифатини назорат қилиш учун зарур бўлиб, баҳолаш орқали давлат таълим стандартлари ва ўқув дастурларининг бажарилиши даражасини ҳамда мавжуд камчиликларни аниқланади ва уларни бартараф қилиш чора-тадбирларини белгиланади. Бунинг натижасида таълим-тарбия ишлари сифати ва самарадорлигини янада юқори кўтариш имкониятлари ҳосил бўлади.
Умумий ўрта таълим мактабларининг фаолият йўналишлари кўп бўлиб, баҳолашда уларнинг асосий йўналишлари бўйича умумлаштирган ҳолда баҳолаш амалий жиҳатдан мақсадга мувофиқ ҳисобланади. Шу билан бирга, турли амалий талаблар ва вазиятларга мувофиқ равишда баҳолаш мақсадлари турлича белгиланади. Бунда белгиланган мақсадларга мувофиқ равишда мактаб фаолиятининг муайян йўналишларига асосий эътибор қаратилади.