Мазкур диссертация ишида қуйидаги муаммолар илк бора ўз ечимини топган: асаларичилик сохаси ва уни ривожлантиришга доир адабиётлар тахлил этилган, асалариларнинг биологияси, тур таркиби ўрганилиб, Фарғона водийсидаги асалари зотлари тавсифлаб берилган, Фарғона водийсининг асал берувчи табиий ва маданий ўсимликларидан рационал фойдаланиш истиқболлари очиб берилган, турли хил озиқлантириш усулларини асалари оилаларининг маҳсулдорлигини оширишдаги аҳамияти ёритиб берилган, асаларичиликда наслчилик ишларини ташкил этиш ва асалари касалликларига қарши курашнинг илмий асослари ёритиб берилган.

Табиат ёдгорлигида тарқалган умуртқасиз ҳамда умуртқали ҳайвонлар асосий турларининг биоэкологияси, трофик алоқалари, ҳўжалик аҳамиятини атрофлича ўрганиш орқали табиат ёдгорлиги фаунаси биохилма-хиллигини баҳолаш ва бошқаришнинг илмий асосларини ишлаб чиқиш мумкин бўлади. Ушбу диссертация ишида Марказий Фарғона экотуризм мажмуасини ташкил этиш бўйича тавсия этилаётган инновацион лойиҳа, илмий-назарий ва иқтисодий-ижтимоий нуқтаи назардан асосланган, давр талабига мос бўлган муҳофаза чора-тадбирларини яратиш имкониятлари тўғрисида асосли фиклар баён этилган.

Фарғона водийсида ғалла экинлари энтомокомплексининг ўрганилиш ҳолатини сохага доир адабиётларни таҳлил этиш орқали очиб берилган ҳамда бу борадаги бир қатор муаммоларнинг назарий ечимига доир хулосалар берилган. Фарғона водийсида ғалла экинларида яшовчи, трофик жихатдан боғлиқ бўлган ҳашаротларнинг тур таркиби аниқлаб берилган. Фарғона водийсида ғалла экинлари энтомокомплексини ташкил этувчи асосий тур ҳашаротларнинг биологияси ва экологик хусусиятлари атрофлича ўрганилиб, зараркунанда ва фойдали турларнинг мавсумий ривожланиш муддатлари, миқдор зичликлари ва унинг ўзгаришларига доир маълумотлар келтирилган. Ғалла экинларида яшовчи ҳашаротлар ўртасидаги трофик муносабатлар таҳлил этиб берилган.

Ҳозирги пайтда Ўзбекистонда дори воситаларига бўлган эҳтиёж кундан кунга ортиб бормоқда ва шунга мос равишда уларнинг нархлари ҳам ошиб бормоқда. Шу нуқтаи назардан арзон ва сифатли дори воситаларини физиологик фаол моддалар сақловчи (кумарин) ўсимликларни ва уларнинг табиий манбаларини аниқлаш, уларни тиббиётга ва озиқ овқат саноатига тавсия этиш бугунги куннинг долзарб муаммоларидан ҳисобланади. Ушбу магистрлик диссетация ишида Фарғона водийсида ўсувчи кумарин сақловчи ўсимликларнинг биологик характеристикаси, кимёвий таркиби, ундаги кумаринлар тузилиши, хоссалари, физиологик фаоллиги тадқиқ қилинган.

Ушбу магистрлик диссертациясида Ўзбекистонда, ҳусусан Фарғона водийсида ўсувчи флавоноид сақловчи ўсимликларнинг биологик ҳарактеристикаси, кимёвий таркиби, ундаги флавоноидлар ва уларнинг тузилиши, хоссалари, ишлатилиши, таркиби ва физиологик фаоллиги бўйича синфлаш тадқиқ қилинди. Флавоноид сақловчи ўсимликларни еғиш, майдалаш, қуритиш, экстраксиялаш, экстрагент танлаш, храмотографик анализ ўтказиш, спектрал анализ ва бошқа методлардан фойдаланилди. Биологик фаоллиги натижасида флавоноидлар тиббиётда қон босимини туширишда, қон томир деворларини эластиклигини оширишда, жигар, ўт пуфаги ва ўт йўли касалликларини даволашда, сийдик пуфаги яллиғланишида ва сийдик йўллари касалликларида сийдик хайдовчи сифатида ишлатилади.

Ушбу магистрлик диссертациясида кам заҳарлиликка эга бўлган этил ва изопропил спиртларининг хусусиятлари тадқиқ қилинди ва транспорт воситалари учун ойна ювиш воситаси сифатида хажмий 40 % этил спиртининг сувдаги эритмаси ҳамда 45 % изопропил спиртнинг сувли эритмасидан фойдаланиш метанол, этиленгликол, кетонлар ва эфирлар каби заҳарли моддалар асосидаги совутиш суюқликларини ишлатиш мақсадга мувофиқлиги тўғрисида фикр юритилган. Моддаларнинг сувли эритмаларини транспорт виситалари учун экологик тоза ойна ювиш воситалари яратишда асосий компонент сифатида ўрганиш натижалари келтирилган.

Дарслик энг сўнгги халқаро қабул қилинган янги илмий маълумотлар, таксономик бирликлар ва терминлар асосида ёзилди. Унда морфология, анатомия, тубан ўсимликлар, юксак ўсимликлар ва геоботаника йўналишларига оид материаллар берилган. Дарсликка киритилган таксономик бирикларни ёришда Ўзбекистон ҳудудида кенг тарқалган ўсимлик турларидан кенг фойдаланилди.

Дарсликда ўсимликлар цитоэмбриологияси фанининг қисқача ривожланиш тарихи, микроспорогеноз, оталик гаметофитининг тузилиши, мегаспорогенез, уруғчи гаметофитининг ривожланиши, чангланиш, чанг доначасининг униши, чанг найининг ўсиши, қўш уруғланиш, эндоспермнинг ривожланиши, эмбриогенез, уруғланган тухум хужайранинг бўлиниши, полиэмбриония, апомиксис, цитоэмбриологиянинг асосий тамойиллари ҳақида маълумотлар тегишли иллюстрациялар билан келтирилган.

Ушбу мақолада Шохимардонсой-Марғилонсой алгофлорасининг биохилма-хиллиги ва унга экологик омилларнинг таъсирини ўрганиш натижалари келтирилган.

Конус ёйилма ландшафт блокларида суғориладиган, хусусан воҳа тупроқларида геокимёвий алоқалар жуда оз, чекланган миқдордаги элементлар ва моддалар учун тадқиқ этилган. Бу ҳолат тупроқларнинг бир қатор хосса ва хусусиятлари билан боғлиқлиги тўғрисида асосли маълумотлар келтирилган.

Фармакогнозия фанидан ўқув машғулотларини олиб бориш учун тузилган ушбу ўқув-услубий қўлланмада талабалар доривор ўсимлик хом-ашёсини фармакогностик таҳлил қилиш усуллари, доривор ўсимлик хом-ашёси таркибидаги намлик, кул, экстрактив моддаларни аниқлаш, шунинг билан биргаликда доривор ўсимликларнинг кимёвий таркиби ва уларнинг таснифи, таркибида полисахаридлар, витаминлар, терпеноидпар, алкалоидлар, гликозидлар, сапонинлар, фенол бирикмалари, антрацен унумлари, ошловчи моддалар, флавоноидлар, кумарин ва фуракумаринлар, липидлар сақловчи ўсимликлар ва улар таркибидаги биологик фаол моддаларни сифат ва миқдорини таҳлил қилиш йўллари бўйича чуқур билимга эга бўладилар.

Фарғонанинг ўсимлик ва ҳайвонот олами ўзига хос ва хилма хилдир. Фарғона фаунасида умуртқали ҳайвонлар алоҳида ўрин эгаллайди. Кўпчилик умуртқали ҳайвонлар, айниқса, қушлар ҳар хил зараркунандаларни қириб, боғ ва экинзорларга катта фойда келтиради. Айрим қушлар ва балиқлар ов аҳамиятига ҳам эга.

Мазкур маърузалар матнида Ўзбекистон Республикасини ривожлантиришнинг Харакатлар стратегияси ва Ўзбекистонда фуқаролик жамиятини барпо қилиш назарияси хакида сўз юритилган

Миллий ғоянинг шаклланиши, кенг жамоатчиликнинг ишончи ва эътиқодига айланиши, унинг маданий негизларини ижтимоий ҳаёт, меҳнат фаолиятида намоён бўлиш шарт-шароитлари, омиллари, қонуниятларининг илмий-назарий асосларини ўрганади

"Magistrlik dissertatsiyasi yurtimiz, O`zbekiston Respublikasining mustaqillik yillarida Rossiya Federatsiyasi bilan iqtisodiy, madaniy va ilmiy-texnikaviy hamkorlikni o`rnatishi va rivojlantirishini ilmiy jihatdan tatqiq etishga bag`ishlanganligi bilan g`oyat zamonaviy va dolzarb ahamiyatga ega.

"O`zbekiston Respublikasi tashqi siyosatining muhim yo`nalishlaridan biri Janubiy-sharqiy Osiyo mamlakatlari bilan aloqalardir. Dissertatsiyada biz shu yo`nalishda mamlakatimiz diplomatiyasining Xitoy va Hindiston aloqalariga to`xtalib o`tdik. CHunki bu mamlakatlar bilan O`zbekistonning aloqalari uzoq va boy tarixiy asosga ega. Bu aloqalar O`zbekiston mustaqilikka erishgandan so`ng, zamonaviy ruh kasb etib dinamik ravishda rivojlanib bormoqda.

Мазкур иш катта даврни ўз ичига олган тош даври ёдгорликлари, уларнинг тадқиқоти ва муаммоларни таҳлил этиш, улар ечимида жаҳондаги илғор услублар, назария ва янгича ёндошувларни қўллаш, шу асосда тош даври тарихи, жамоалар моддий маданияти ва антропогенез жараёнини ўрганилиши бўйича яратилган асарларни таҳлил қилишдан иборатдир.

Ўзбекистон ўз мустақиллигига эришган дастлабки кунлардан бошлаб энг аввало миллий анъаналари, маънавий қадриятлари, ўтмиш тарихи, қадимий маданияти тиклана бошланди. Шундай экан совет тоталитар тузуми даврида барбод бўлган миллий қадриятлар ҳамда ўзбек халқининг ислом динига оид бой илмий ва маънавий меросини ўрганиш, тиклаш ва бу сохадаги тадқиқотларни ривожлантириш ҳозирги даврда тарихчиларимиз олдида турган долзарб вазифадир. Совет ҳокимиятининг ислом динига бўлган сиёсати тадқиқот объекти сифатида олиниб, унда советларни олиб борган ислом зиёлиларига, муассаса ва ташкилотларига қарши кескин муносабати, шунингдек вақф мулкларини тугатилиши ва унинг оқибатлари предмет сифатида олинди.

Magistrlik dissertatsiyasida Farg`ona vodiysida o`rta asrlarda kechgan siyosiy, ijtimoiy – iqtisodiy jarayonlari tadqiq qilingan. Jumladan, ishda Farg`ona vodiysida eftaliylar va Turk xoqonligi davridagi siyosiy ahvol, Farg`ona vodiysida arablar istilosi davridagi siyosiy jarayonlar, Somoniylar va Qoraxoniylar davrida vodiyning siyosiy taraqqiyoti, O`rta asrlarda Farg`ona vodiysidagi ijtimoiy-iqtisodiy munosabatlar, V-XIII asrlarda Farg`ona vodiysidagi madaniy jarayonlar kabi muommolar yoritilgan: Mazkur ishda ilk marotaba yozma va arxeologik manbalar asosida Farg`ona vodiysining o`rta asrlar tarixi tizimli va kompleks tarzda maxsus o`rganilgan.

"Qo`qon xonligi ijtimoiy-siyosiy hayotida qirg`iz va qipchoqlarning tutgan o`rni masalasini o`rganish bugungi kunda dolzarb ahamiyat kasb etmoqda. Qo`qon xonligi O`zbekiston tarixida o`z orniga ega bo`lgan davlatlardan biri hisoblanadi. Uning tarkibida bo`lgan qardosh xalqlarning manfaatini o`zida aks ettirgan mamlakat hisoblangan.