Ўзбекистон мустақиллиги даврида мамлакатимизда миллий қадриятларимизни тиклаш, уни замон талаблари асосида ёшлар онгига сингдириш бўйича улкан кенг қамровли тадбирлар бажарилмоқда. Бу даврда буюк аждодларимизнинг сўнмас даҳосига ҳурмат - эҳтиром, уларнинг бой илмий - маънавий меросини ўрганишга бўлган қизиқиш чет элларда ҳам ошиб бормоқда. Жаҳоннинг турли мамлакатларида уларнинг ҳаёти ва фаолияти ҳақида илмий ва бадиий асарлар, улуғ аждодларимиз хотирасига ёдгорликлар барпо этилмоқда. Шулар қаторида Бельгияда Ибн Синога, Литвада Мирзо Улуғбекка, Москва, Токио ва Боку шаҳарларида Алишер Навоийга, Миср пойтахти Қоҳира шаҳрида эса Аҳмад Фарғоний хотирасига ўрнатилган муҳташам ҳайкалларни эслаш жоиз”.