Республикамиз қуролли кучлари ривожининг замонавий босқичида ҳарбий олий ўқув юртлари профессор-ўқитувчиларнинг касбий маҳорати даражасига катта талаблар қўйилмоқда. Улар қурол-аслаҳа ва техникани яхши билиши, улардан оқилона фойдалана олиши, юқори методик тайёргарлик ва ташкилотчилик қобилиятига эга бўлиши лозим.
Шунинг учун ҳам Республикамиз ҳарбий олий ўқув юртларида таълим олувчиларда юқори ҳарбий-касбий компетентликни шакллантириш ва уларнинг илмий-билиш фаолиятини фаоллаштириш мақсадида ўқув машғулотларни ташкил этишнинг янги шакл ва методларини излаб топиш бўйича кенг кўламли ишлар олиб борилмоқда.