Информатика фанини ўқитишда амалий машқлар орқали ўқувчилар компетентлигини ошириш мураккаб жараён бўлиб, мазкур муаммони ечиш методикада алоҳида ёндашувни талаб этади. Мазкур мураккаблик бевосита ўқувчи билан компьютер ўртасидаги ўзаро сўзлашув мулоқотининг камлигидадир. Бу муаммо, айниқса, информатика воситалари ва ахборот технологиясини қўллаб ўқитиш жараёнида сезилади. Информатика дарслари машғулотларида компьютер технкасига нафақат ўқитишнинг асосий техник воситаси, балки ўрганиш объекти сифатида ҳам қараш зарур. Бу эса умумтаълим мактабларида информатика фанини ўқитишда ўқувчилар компетентлигини оширишда бирмунча қийинчилик туғдиради.