Ҳурматли фойдаланувчилар!
Буюк мутафаккир шоиримиз, сўз мамлакатининг султони бўлган Алишер Навоийнинг адабий мероси, илмий, тарихий-маърифий асарлари жаҳон адабиётининг нодир дурдоналаридандир. Барча туркий халқларнинг ифтихори бўлган бу улуғ инсоннинг бебаҳо меросини билиш, ўзлигимизни англаш ва жамиятимизга муносиб билим, тафаккур ҳамда юксак маданият соҳиблари бўлиб етишишда кенг фойдаланиш ҳар биримизнинг фуқоролик бурчимиздир.
Ушбу тайёрланган услубий қўлланма барча ёшдаги ва турли тоифадаги кенг китобхонлар, таълим муассасаси ходимлари ҳамда ўқувчи ёшлар учун мўлжалланган.