Tarix darslarida O’zbekiston respublikasi Prezidenti I.A.Karimovning asarlaridan foydalanish

O’zbekiston Respublikasi o’z mustaqilligini qo’lga kiritgach, o’z tarixini qayta tiklash ishlariga katta e’tibor qaratildi. "Modomiki, o`z tarixini bilgan, undan ruhiy quvvat oladigan xalqni yengib bo`lmas ekan, biz haqqoniy tariximizni tiklashimiz, xalqimizni, millatimizni ana shu tarix bilan qurollantirishimiz zarur. Tarix bilan qurollantirish, yana bir bor qurollantirish zarur" . Prezidentimiz ta`kidlaganidek, tarixni bilgan odam hayotga orzu-umid, ishonch bilan yashaydi. Tarix bilimining ilk kurtaklari esa maktab partasida, tarix darslarida uyg`onadi. Shu bois tarix o`qituvchisi dars jarayonida faqat darslik bilan qanoatlanmay, qo`shimcha adabiyotlardan, Prezident asarlaridan foydalansa, dars mazmunini yanada boyitadi. Natijada o`quvchilarda fanga bo`lgan qiziqish yanada ortadi. Albatta, qo`shimcha adabiyotlardan foydalanish o`qituvchidan katta tajriba talab qiladi. Negaki, bir soatlik darsda butun bir asarni o’rganish imkoniyati yo’q. Shuning uchun asardan darsga mos asos tariqasida misollar keltirish maqsadga muvofiqdir. Bu esa dars mazmunini boyitishda o`qituvchiga yordam beradi.