Она тили машғулотлари ўқувчиларга фақат нутқни эгаллаш йўлларини эмас, балки ундан фойдаланиш маданияти ва маҳоратини ҳам ўргатиб боради.
Ўқувчи нутқини ривожлантириш мураккаб жараён бўлиб, унда барча имкониятлар тўлалигича ишга солинса, фикрни оғзаки ва ёзма равишда тўғри, равон ифодалашга ўргатиш осонлашади. Натижада ўқувчи нутқини ривожлантиришга кенг йўл очилади.
Она тили ўқитиш жараёнида ўқувчилар нутқига қўйиладиган талаблар мавжуд бўлиб, улар қуйидагилардан иборат.
Ўқувчилар нутқини ўстиришга қўйиладиган талаблар
Ўқувчилар она тили дарсида онгли ўқишни, тўғри ва чиройли ёзишни, фикрни оғзаки ва ёзма эркин баён қилишни ўрганадилар, теварак-атрофдаги ҳаёт, табиат ҳамда кишилар меҳнати ҳақида билим оладилар.