“Biologiya fanidan darslarni,to`garak mashg`ulotlarini va fan kechalarini o`tkazishda foydalaniladigan qiziqarli ma’lumotlar ” Umumta’lim maktablari biologiya fani o`qituvchilari uchun uslubiy tavsiya.
Umumta’lim maktablari o`quvchilariga umumta’lim fanlaridan xususan biologiyadan bugungi kun talablariga mos har tomonlama mukammal bilim berishda o`qituvchilar oldida bir qator vazifalar turadi.
O`qituvchi har bir soat darsga tayyorgarlik ko`rishda darslikda berilgan ma’lumotlar bilan chegaralanib qolmasdan qo`shimcha adabiyotlarda keltirilgan muhim va qiziqarli ma’lumotlar bilan uni boyitishi, to`garak mashg`ulotlari va turli kechalarni tashkil etishda bilimlarni mustahkamlashga e’tibor qaratmog`i lozim.
Biologiya faniga oid qiziqarli ma’lumotlar o`quvchilarning fanga qiziqishlarini yanada orttirib boradi. Ana shularni hisobga olgan holda ushbu metodik tavsiyada o`qituvchilar foydalanishi uchun zarur ma’lumotlar berilgan.