"Ushbu magistrlik dissertatsiya ishi uch qatlamli plastinkaning tashqi dinamik yuklar ta’siridagi tebranishlarini tadqiq qilishga bag’ishlangan. Dastlab dissertatsiya ishida plastinka to`g’risidagi ma’lumotlar, plastinkada hosil bo`ladigan kuchlanish va deformatsiyalar, tashqi dinamik yuklarning ta’siri, plastinkalarni hisoblash nazariyalari, plastinkalar nazariyasining asosiy gipotezalari va munosabatlari, shuningdek plastinklar tebranish tenglamalari o`rganildi. Shundan so`ng uch qatlamli plastinkaning tashqi dinamik yuklar ta’siridagi tebranishlari haqidagi masala qaraldi. Qaralgan masala yechilib uch qatlamli plastinkaning tashqi dinamik yuklar ta’siridagi tebranishlari taqribiy tenglamalari olindi. Olingan tenglamalar elektron hisoblash mashinasi yordamida yechilib, yechimlar grafik ko`rinishda olindi. Olingan yechimlar asosida tegishlicha xulosalar chiqarildi. "

"Mazkur magistrlik dissertatsiyasida parametrga bog`liq karrali xosmas integrallar qaraladi. Dissertatsiyaning 2-bobida parametrga bog`liq karrali integrallarni hisoblashning Laplas usuli o`rganilgan.. Dastlab, ikki karrali Laplas integralining asimptotikasi o`rganilib olingan mulohazalar n karrali Laplas integrali uchun umumlashtiriladi. Dissertatsiyaning 3-bobi parametrga bog`liq karrali Laplas integralining tadbiqlariga bag`ishlanadi. Unda dastlab plastinkada issiqlik tarqalish tenglamasi uchun qo`yilgan Koshi masalasi yechimining vaqtning kichik qiymatlarida asimptotikasi olinadi. So`ngra olingan bu mulohazalar n o`lchamli fazoda issiqlik tarqalish tenglamasi uchun qo`yilgan Koshi masalasi yechimi uchun umumlashtiriladi. "

"In this dissertation work it is considered basic property of the delta function. The main task of the thesis is the behavior of the Fourier transform of the delta functions supported on surfaces. We consider the Fourier transform which is a distribution in the general case and also it has analytic continuation to the complex space. But, in general the Fourier transform is not integrable in general. We obtain a lower bound for the summation exponent of the Fourier transform of the delta function on the surface. The bound also gives lower bound for the summation exponent for the corresponding oscillatory integral."

Tadqiqotning maqsad va vazifalari. Siyosiy arboblar nutqlari tahlili asosida ularning tili va uslubiy o`ziga xosliklarni aniqlash, siyosiy arboblarning nutqlarida ifoda-tasvir vositalaridan, leksik vositalardan foydalanish mahoratini aniqlash va adabiy so`zlashuv uslubi, publitsistik hamda rasmiy uslubdan foydalanish mahoratini ochib berish kabi maqsadlar qo`yilgan.

Sayyid Qosimiy Alisher Navoiygacha bo`lgan davrdagi turkiy adabiyotining ko`zga ko`ringan namoyondalaridan biridir. Uning bizga qadar yetib kelgan to`rtta masnaviy-dostoni turkiy adabiyotida xamsanavislik an’anasining ilk qadamlari ,shuningdek,nomanavislik an’anasi ta’sirida yaratilgan nodir durdonalardir.Mazkur asarlar istiqlol davrida jiddiy tadqiq etilmagan. Buning natijasi o`laroq,ular turli bosqichdagi ta’lim dasturlariga goh kiritilib, goh chiqariladi.Ushbu magistirlik dissertatsiyasida Sayyid Qosimiyning “Majma’ul-axbor”, “Gulshani roz”, “Haqiqatnoma ” va “Ilohiynoma” kabi masnaviy- dostonlari adabiyotshunoslikning qiyosiy-tarixiy, qiyosiy tipologik,badiiy-biografik hamda shahr metodlari asosida tadqiq etiladi.Ishda masnaviylarning adabiy an’analarga munosabati, poetik xususiyatlari,ma’naviy yetuk shaxs tarbiyasidagi ahamiyati yoritiladi.

Mazkur magistrlik ishida Sharq adabiyotida “Layli va Majnun” turkumidagi asarlar va ularning o`rganilishi tarixi haqida, o`zbek va tojik adabiyoti namoyondasi Abdulloh Xotifiyning xamsachilik tarixida o`ziga xos o`ringa ega “Layli va Majnun” dostoni matniy tadqiqi, g`oyaviy-badiiy talqini, nashr nusxalari tadqiqi, asar syujeti va kompozitsion tuzilishining boshqa xamsanavistlar asarlaridagi qiyosiy tadqiqi haqida so`z yuritiladi. Disssertatsiyaning so`ngida dostonning transletiratsiyasi va ilmiy-tanqidiy matnidan parcha keltiriladi. “Layli va Majnun” dostonlari an’anasidagi boshqa dostonlar umumiy ko`lamda juda keng o`rganilgan bo`lib, qiyosiy o`rganilishda, keng ko`lamda Abdulloh Xotifiy asari tahlilga tortilmagan. Ushbu dissertatsiyamiz mavuzisining yangiligi ham shundadir. Ishda predmet vazifasini Nizomiy Ganjaviy, Alisher Navoiy, Muhammad Fuzuliy va Abdulloh Xotifiy “Layli va Majnun” dostonlari o`taydi va monografik ko`lamda asarlarning qiyosiy tahlili o`rganiladi.

Ushbu tadqiqotda yangi soʻzlarning badiiy-estetik vazifasi nazariy va amaliy jihatdan oʻrganilgan va unda asosan, Eshqobil Shukr she’riyati, uning hayot yoʻli, soʻz qoʻllash mahorati, soʻz ijodkorligi shuningdek she’rlarining leksikasi asosida oʻqitish metodikasi haqida ham ayrim tavsiyalar ishlab chiqilgan.

"Dissertatsiyadan ko`zlangan asosiy maqsad Hotam Toy timsolini g`oyaviy-badiiy tahlillar va talqinlar vositasida o`rganish, asarlardagi “Hotam Toy” hikoyatlarining axloqiy-ma’rifiy, badiiy-estetik jihatlarini, tamoyillarini aniqlash, shu orqali uning o`zbek va fors-tojik adabiyoti tarixidagi o`ziga xos mavqeini, nufuzini, ta’sirini asoslashdan iborat.

Magistrlik dissertatsiyasining asosiy maqsadi Alisher Navoiy “Farhod va Shirin” dostoni tarkibidagi Xusrav va Farhod munozarasining Nizomiy Ganjaviy, Xusrav Dehlaviy va boshqa forziyzabon shoirlarning asarlaridagi munozaralar bilan qiyosiy tipologik tadqiq etishdir.

"Tadqiqotning maqsadi. Dissertasiya ishining maqsadi P.L. Pasternak tomonidan ishlab chiqilgan modelning S2 ikkinchi parametri egilishga qarshilik bikirligining fizik mohiyatini eksperimental usulda aniqlash va balka bilan grunt kontakt qismida reaktiv kuchlanishlarni tarqalish qonuniyatini hisobga olgan holda balkaning egilishini va undagi zo’riqishlarni bog’lovchi hisobiy modelni ishlab chiqish masalasi qo’yilgan. "

Molekulalararo o`zaro ta’sir to`g`risida kombinatsion sochilish spektrlaridan foydalanib qo`shimcha ma’lumotlar olishdan iborat. Bu ishda kombinatsion sochilish spektrlarida molekulalararo vodorod bog`lanishning namoyon bo`lish xususiyatiga asoslangan holda molekulalararo vodorod bog`lanishni o`rganishga qaratilgan

Magistrlik dissertatsiyasida yarim oʻtkazgichli quyosh elementlarining ishlash tamoyili va asosiy xarakteristikalarini oʻrganish hamda QE ishi samaradorligini belgilovchi omillarni nazariy tahlil qilish maqsad qilib qoʻyildi.

Tadqiqot maqsadi va vazifalari. Hozirgi vaqtda dunyoda maʻlum bo`lgan sunʻiy va tabiiy quyosh havzalari to`gʻrisidagi maʻlumotlarni to`plash, quyosh havzalarini qiyosiy o`rganish, ularni tahlil qilish va quyosh havzalaridan foydalanish imkoniyatlarini o`rganish. Bunda asosiy eʻtiborni quyosh havzasining tan narxiga qaratish va O`zbekistonda quyosh havzalaridan foydalanish imkoniyatlarini ochib berish. Shu bilan birga quyosh havzasi modelini yaratish, uning afzalliklari va kamchiliklarini aniqlash, mavzu yuzasidan xulosalar va tavsiyalar ishlab chiqishdan iborat.

Amorf metallar o’zining atomlaridagi joylashishda tartib bo’lgan kristallardan tubdan farq qiluvchi fizik xususiyatlari va ulardan magnit materiallar sifatida foydalanish imkoniyati bilan ajralib turadi. Amorf materiallar atomlarida ma’lum tartib bo`lmay, atomlarning tuzilishi suyuq metallarning tuzilishiga yaqin bo`ladi. Demak, amorf materiallarni o`rganish shu materialni suyuq holatini o`rganishga yordam beradi. Amorf magnit qotishmalarda koersitiv kuchning kichik bo`lishi va magnit sindiruvchanlikning katta bo`lishi uning kristall holatiga nisbatan ustunligini ko`rsatadi. Shu uchun ushbu dissertatsiya ishida temir guruhi elementlari asosidagi metalloidlar aralashgan amorf qotishmalarda magnit xaraktiristikalarini temperaturaga va metalloidlar konsentratsiyasiga bog’liq holda o’rganish va undagi o’zgarishlarni rengenostrukturaviy tahlil asosida tushuntirish maqsad qilib qo’yildi.

Tadqiqot maqsadi: - O`zbekistonning ayrim hududlari tuproq qatlamlarida TRN 137Cs miqdorini γ-spektrometrik ravishda aniqlash, uning vertikal va sirt migratsiyasini o`rganish, zaxiralarni belgilash [4], ko`chish parametrlari va ularning tuproq xususiyatlari, geografik va iqlim sharoitlari, sinov maydonlarining relefi va boshqalar; - TRN 137Cs miqdorini spektr-spektrometrik usulida aniqlashning takomillashgan usulini ishlab chiqish asosiy vazifa qilib tayinlangan; - yer sharining 137Cs bilan ifloslanishi, xususan, O`zbekiston hududining ifloslanishi to`g`risidagi adabiyotlarning qisqacha tahlili; 137Cs ni γ-spektrometrik ravishda aniqlash imkoniyati o`rganildi.

Polimerli eritmalardagi molekulalararo ta’sir turlarini adabiyotlarda yoritilishini o`rganish asosida umumiy xulosalar chiqarish va ma’lum to`xtamga kelish hisoblanadi. Shuningdek binar erituvchilarda eritilgan polimerli eritmalarning xossalari bitta komponentali erituvchida eritilgan polimerdan farq qilishiga ishonch hosil qilishdan iborat.

Ushbu magistrlik dissertasiyasning asosiy maqsadi bo`lib, kuz-qish mavsumida yaylov chorvachiligi sharoitida echkilarni oziqlantirishda asosiy ozuqa sifatida foydalaniladigan dag`al ozuqalar tarkibidagi to`yimli moddalar (kletchatka va protein) ning echkilar organizmidagi ayrim fiziologik ko`rsatgichlariga ta’sirini o`rganishdan iborat.

Malakaviy ishning maqsadi. Samarqand sharoitida quyonlarni ratsiyoniga Sel-Plex-ni biologik qo’shimcha ozuqa sifatida kiritish orqali organizmining fiziologik holatini baholashdan iborat.

Tadqiqot maqsadi: issiqxona sharoitida qimmatbaho noyob o`simlik hisoblangan Dorivor igir (Acorus calamus L.) ni ildizpoyalaridan mikroklonal usul yordamida ko`paytirish.

Tadqiqotlarning maqsadi va vazifalari: Yil davomida dalada haydab boqilgan turli genotipga mansub echkilar organizmining, sutining va ulardan olingan uloqlar organizmining maxsus va maxsus bo`lmagan himoya omillari ko`rsatkichlarini o`rganishdan iborat bo`ldi.