O’rta maxsus, kasb-hunar ta’limi tizimida o’quv tarbiyaviy jarayonni takomillashtirish natijasida barkamol, malakali mutaxassislarni tayyorlash, ularni raqobatbardosh, yetuk bo’lib yetishishlarida ta’lim muassasalarida olib boriladigan, amalga oshiriladigan uslubiy ishlar muhim o’ringa egadir. Uslubiy ishlar ta’lim tarbiya jarayoni bilan shug’ullanadigan har bir o’qituvchi muhandis-pedagog, rahbar hodimlarning o’z malakalarini oshirishda katta ahamiyatga egadir. Chunki, kadrlar tayyorlash milliy dasturida ta’kidlangandek davr talabiga javob beradigan yuqori malakali mutaxassislarni tayyorlash uchun avvalambor ta’lim tarbiya bilan shug’ullanuvchilaning o’zlari yetuk, yuqori malakali bo’lishlari shart. Bu talabga javob berish uchun har bir o’qituvchi, injener-pedagog, rahbar uslubiy ishlar bilan shug’ullanishi va ularda qatnashishi zarur.