O’quvchilarning ko’pchilik kasblar bo’yicha ishlab chiqarish ta’limi uchta asosiy bosqichga: a) o’quv ustaxonalarida, o’quv maydonlarida, o’quv labaratoriyalarida, bilim yurtining o’quv xo’jaliklaridagi ishlab chiqarish ta’limi; b) ishlab chiqarish sharoitlari (korxonalarda, qurilishlarda, xo’jaliklarda) ishlab chiqarish ta’limi; va nihoyat v) ishlab chiqarish tajribasiga bo’linadi. Har bir bosqich o’ziga xos maqsadga va o’quv jarayonida o’z o’rniga ega bo’lib, kasb xususiyatiga qarab ular turli muddatli bo’ladi va u ishlab chiqarish ta’limi dasturi bilan belgilanadi. O’quvchilarning ishlab chiqarish ta’limi ustozi rahbarligida amalga oshiriladi. Bu ustoz o’ziga biriktirilgan gruppaga bilim yurtidagi ta’limning boshidan oxirigacha rahbarlik qiladi.