Склерома -бу сурункали юқумли касаллик бўлиб, юқори нафас йўлларида ўзига хос инфильтратларнинг ҳосил бўлиши билан намоён бўлади. Касалликни склерома клебсиелласи(Фриш-Волкович таёқчаси) қўзғатади.
Тарқалиши. Склероманинг йирик эндемик ўчоқлари Украина, Белорусия, Италия, Германия, Югославия, Чехия, Словакия, Индонезия, Бразилия, Гватемала, Мексика ва Миср Арабистонида жойлашган. Ер юзида жами 10 000 якин склерома билан касалланган беморлар қайд этилган. Кўпинча склерома 16-30 ёшар, баъзан кекса ёшдаги эркак ва аёлларда учрайди. Касаллик қишлоқ аҳолиси орасида кенг тарқалган (87,5-85%).