Ekonomikaliq o`siwdi ta`miyinlew, jan`a jumis orinlarin duziw, ba`ntlik mashqalasin sheshiw, xaliqtin` da`ramatlarin ha`m abadanlig`in arttiriwda barg`an sayin a`hmiyetli orin iyelep atirg`an kishi biznes ha`m jeke isbilermenlikti jedel rawajlandiriw, xoshametlew ha`m qollap - quwatlawg`a ayiriqsha itibar qaratildi. Ha`zirgi kunde kishi biznes sub`ektleri ishki o`nimnin` derlik 50 protsentin islep shig`armaqta. 2009-jili kishi sanaat ka`rxanalari ushin birden - bir saliq to`lemi 8 protsentten 7 protsentke pa`seytildi, jeke ta`rtipte isbilermenler ushin bolsa belgilengen saliq mug`dari ortasha 1,3 esege kemeytildi.