Oila va jamiyat uyg’unligida ayolning o’rni, mavqeyi va salohiyati, bilimi, Vatan, jamiyat va oila oldidagi burchi va mas’uliyatini ijtimoiy, siyosiy tahlil etish. O’zbekiston xalqining milliy taraqqiyoti yo’lidagi bosh g’oyasi – ozod va obod Vatan, erkin va farovon hayot barpo etish ekan, bu albatta, jamiyat ma’naviyatini shakllantirishda ayollar faolligi bilan uzviy bog’liq. Chunki, har bir inson jamiyatda yashaydi, undagi ma’naviy hislatlar ana shu jamiyatdagi ijtimoiy mezonlar ifodasi ekani muqarrar, ya’ni, donolar aytadilarki, ayolni ulug’lagan zot ulug’, ayolni ardoqlagan yurt ardoqli bo’ladi. Shu jihatdan ayollarni izzat-ikrom qilish, ulug’lash, ardoqlash millatimizga xos hususiyat va bu uzoq yillik qadriyatlarimizdan biridir