Мамлакатимиз мустақиликка эришгандан кейинги ўтган сал кам 21 йил давомида жамиятнинг ижтимоий-сиёсий, иқтисодий ва маънавий ҳаётида кенг кўламдаги ислоҳотлар амалга оширилди. Ўзбекистонда истиқлолнинг илк давридан бошлаб, демократик ҳуқуқий давлатни шакллантиришга қаратилган давлат сиёсати изчиллик билан жорий қилина бошлади. Мазкур давлат сиёсатини амалга оширишда қонун устуворлиги, ҳокимиятнинг тақсимланиши, шахс ва давлат ўртасидаги муносабатларда шахс манфаатларининг устуворлиги асосий принциплар сифатида белгилаб олинди. Жумладан, Президентимиз И.А.Каримов Ўзбекистон Республикаси Конституциясининг 19 йиллиги муносабати билан сўзлаган маърузасида таъкидлаганидек: - “Бугунги кунда биз ҳеч кимдан кам бўлмайдиган демократик давлат, халқимиз учун озод ва фаровон ҳаёт қуриш мақсадлари билан яшар эканмиз, оила институтини янада мустаҳкамлаш, бу борада олиб бораётган ишларимизни янги босқичга кўтариш алоҳида аҳамият касб этади