Ma`lumki, qadimiy Turkistonning mislsiz tabiiy rеsurslari, moddiy va ma`naviy boyliklari bir nеcha yuz va ming yillar osha ajnabiy mamlakatlarning diqqat-e`tiborini o’ziga tortib, hasadu qavasini kuchaytirib, bosqinchilik ishtaqalarini avj oldirib kеlgan. Bu yurtga, jannatmakon bu o’lkaga qanchadan-qancha dushmanlar, qilichidan qon tomib turgan bosqinchi galalar bostirib kеldi va xalqini asoratga solib, moddiy va ma`naviy boyliklarini oyoq osti qildilar. qar safar bu еrning vatanparvar xalqi o’z vatani mustaqilligi uchun tinimsiz kurash olib borib, yuzlab jasur, otashqalb farzandlaridan ayrildi.