Жаҳон тилшунослигида тилнинг ижтимоий-маданий аҳамияти, унинг жамият тараққиёти билан боғлиқ ҳолда юзага келадиган хусусиятларининг тадқиқи социолингвистика, прагмалингвистика, когнитив тилшунослик, лисоний маданиятшунослик каби янги парадигмаларнинг пайдо бўлиши замирида янада долзарблашди. Зеро, замонавий парадигмалар татбиқи асосида тилнинг табиати, ижтимоий қиммати, ундан фойдаланиш ва тил бажарадиган вазифаларнинг фаоллашув кўламини аниқлашга қаратилган илмий тадқиқот ишларини олиб бориш муҳим аҳамият касб этади.