Тадқиқотнинг мақсади ўрта толали ғўза (G.hirsutum) учун маркерларга асосланган селекция (МАС) дастурларини жорий этиш асосида ўзида тола сифат белгиларини яхшиловчи миқдорий белги локусларини тутган бошланғич селекцион намуналар олиш ва янги ғўза навларини яратишдан иборат.

Тадқиқотнинг мақсади аграр соҳада интеллектуал мулк объектларининг бухгалтерия ҳисоби ва аудитини такомиллаштириш бўйича илмий таклиф ва амалий тавсиялар ишлаб чиқишдан иборат.

Ўзбекистон Республикаси тижорат банклари активлари даромадлилигини оширишга қаратилган илмий таклиф ва амалий тавсиялар ишлаб чиқиш

Неонатал даврда критик ҳолатни ўтказган болаларга ҳаётининг биринчи йилида чақалоқлардаги критик холатларни ташхислаш ва башоратлашни, шунингдек болаларнинг даволаш ва реабилитациясини қамраб олувчи тиббий ёрдам кўрсатишнинг комплекс тизимини такомиллаштириш.

Маҳаллий доривор ўсимликлар хомашёлари асосида настойка ва қобиқ билан қопланган таблетка шаклидаги тинчлантирувчи дори воситаларини олиш ва стандартлаш усулларини ишлаб чиқиш.

Тадқиқотнинг мақсади горизонтал иссиқлик алмашгич қувурларида ҳаракатланаётган нефть ва газ конденсати аралашмалари оқими тезлигининг оптимал чегараларини аниқлаш ва гидродинамик режимлар асосида қайта ишлаш технологиясини такомиллаштиришдан иборат.

Тадқиқотнинг мақсади кон-металлургия техноген чиқиндиларидаги металларни бойитишнинг оптимал пневмосепарация жараёни ва қурилмаларини ишлаб чиқишдан иборат.

Коморбид патология шароитида тери кичишини кечиши, даволаш ва унинг олдини олишнинг клиник патогенетик хусусияилари

Дунё амалиётида тупроқ унумдорлигини барқарор сақлашда турли кимёвий ўғитлар билан бир қаторда, биологик ўғитлардан кенг фойданилмоқда. Аммо, биоўғитлар таркибидаги микроорганизмлар ҳужайрасининг ноқулай тупроқ шароитида яшаб қолиш имкониятларининг пастлиги муаммоли масалалардан биридир. Ушбу масаланинг ижобий ечими ташувчиларга иммобилизацияланган ҳужайраларни қўллаш бўлиб, у ҳужайраларни узоқ муддат яшаб қолиши учун жуда қулай микроэкология ва ўсимлик метоболитлари билан бактерияларни жуда самарали ўзаро муносабатини таъминлайди.

Дунёда қишлоқ хўжалиги тупроқ унумдорлигини ошириш, органик моддалар ва озиқа элементларини меъёрдаги балансда таъминлаш муаммо бўлиб қолмоқда . Тупроқ, биологик нуқтаи назардан, мураккаб модда алмашинувига эга, турли хил биологик хамда фаол кўп компонентли муҳит бўлиб, унинг унумдорлиги асосан тупроқдаги микробиологик жараёнларнинг интенсивлиги ва йўналганлиги билан аниқланади.

Жаҳон амалиётидан кўриш мумкинки, ривожланган мамлакатларда иқтисодиётнинг реал секторига киритила ётган инвестициялар ҳажмини оширишда молиявий воситачилик билан шуғулланувчи фонд ва муассасалар юқори ўринни эгаллайди. Бугунги кунда қимматли қоғозлар бозори аҳоли пул жамғармаларининг инвестицияларга айланишини таъминловчи энг самарали институтлардан бири бўлиб қолиш билан бирга, реал сектор корхоналари учун инвестиция ресурсларини жамлаш ва тақсимлаш вазифасини ҳам бажармоқда.

Жаҳонда туризм соҳаси тез суръатлар билан ривожланиб бораётган ва энг даромадли бизнес тури бўлиб, унинг ялпи миллий даромаддаги улуши 10,0 фоизни ташкил этади. Шунингдек, яратилаётган иш ўринларининг ҳар еттинчиси туризм соҳасидаги иш ўрнига тўғри келади. «Учинчи дунё» мамлакатлари бўйича пул маблағлари тушумининг 50 фоизи ва иш билан бандлик даражасининг 80-90 фоизи туризм соҳасига тегишли . Бутунжаҳон туризм ташкилоти давлатларга туризм салоҳиятини ошириш, янги хизматлар таклиф этиш, янги туризм брендларини яратиш, туризм соҳаси рақобатбардошлигини тубдан ошириш бўйича таклифлар киритиш зарурлигини илгари сурмоқда.

Бугунги кунда жаҳонда анор мевасини етиштириш 3,086 млн. т-ни ташкил этади. Жумладан, «2016 йилда Ҳиндистон – 900 минг т, Эрон – 800, Хитой – 290, Туркия – 220, АҚШ – 200, Покистон – 120, Афғонистон – 90, Тунис – 85, Озарбайжон – 82, Сурия – 79, Ўзбекистон – 60 минг т ҳосил етиштирилган» . Шу сабабли, кўпгина илмий ишлар анор мевасини қайта ишлаб, шарбат, концентрат ва бошқа ассортиментдаги маҳсулотларни ишлаб чиқаришни илмий жиҳатдан тадқиқ этишга қаратилган технологияларни жорий этишни жадал ривожлантиришга йўналтирилган.

Реал вақтда 3-4-авлод уяли алоқа телефонлари орқали узатиш учун эшиттириш стандартидаги ТВ тасвирларни юқори самарали сиқиш тизимини ишлаб чиқиш.

Дунё миқёсида энергетика амалиётида ноанъанавий ва қайта тикланувчан энергия манбаларидан фойдаланиш кўламини кенгайтириш, углеводородли ёқилғи энергетик ресурсларни тежаш ва экологик мувозанатни барқарорлаштиришга қаратилган илмий тадқиқотлар муҳим аҳамият касб этмоқда. Шу жиҳатдан ривожланган мамлакатларнинг «узоқ муддатли миллий энергетик дастурларида қайта тикланувчан энергия манбаларидан фойдаланиш улушини камида 20 фоизга етказиш вазифаси белгиланган».

Бугунги кунда дунёда ғўза, ғалла, сабзавот ва бошқа экинлар билан бир қаторда дуккакли-дон экинлари ҳам катта майдонларда етиштирилмоқда, хусусан дуккакли-дон экинларидан йилига 62 млн. тонна озиқ-овқат маҳсулоти сифатида ҳосил олинмоқда . Дунё миқёсида дуккакли-дон экинлари Ҳиндистон, Хитой, Корея, Россия ва бошқа давлатларда энг кўп экиладиган экинлардан ҳисобланади. Ҳар гектар ердан мўл ва сифатли буғдой дони олишда ушбу такрорий экинлардан фойдаланишнинг аҳамияти катта бўлиб, бугунги кунда дунё бўйича 729 млн. тоннадан зиёд дон ҳосили етиштирилмоқда .

Қатор металлар никотинатларининг айрим амидлар билан координацион бирикмаларини синтез қилишдан ҳамда олинган бирикмаларнинг таркиби, тузилиши, хоссаларини аниқлаш.

Бугунги кунда футбол жаҳон миқёсидаги оддий спорт ўйини эмас. У улкан ижтимоий аҳамият касб этди. Олий спорт даражасидаги мусобақалар натижалари омманинг нафақат кайфиятига, балки инсонларнинг меҳнат фаолиятига бевосита таъсир қилади, миллатлар ва давлатлар мавқеига дахлдор бўлади. Чамаси, айнан шу сабабли спорт сўнгги йилларда давлат арбоблари, тадқиқотчилар ва илмий ходимлар диққатини ўзига янада кўпроқ тортмоқда. Ҳозирги пайтда спорт соҳасида илмий тадқиқотлар анча кенгайди.

Олий гуманитар таълим муассасалари тизимида чақириққача ҳарбий таълим бўйича кадрларни тайёрлашга йўналтирилган илмий ишлаб чиқишларни модернизация қилиш бўйича кучларни бирлаштириш муаммосини ҳал этиш, хорижий давлатларда қўлланилаётган замонавий инновацион технологияларни ўқув жараёнига жорий қилиш билан боғлиқ бўлиб, бўлғуси педагог кадрлар ҳисобланган чақириққача ҳарбий таълим факультети битирувчиларининг, ушбу соҳа мутахассисларининг сифатини оширишга йўналтирилган назарий ва амалий тайёргарликни такомиллаштиришга олиб келади.

Бугунги кунда дунёда энергия хом ашёлари етишмовчилиги муаммосини ҳал этишда муқобил қайта тикланувчи энергетик манбаларни яратиш усулидан кенг фойдаланилмоқда. Айтиш жоизки, жаҳонда аҳоли сонининг жадаллик билан ортиши билан мавжуд углеводородлар заҳираларидан кенг фойдаланиш анъанавий энергия хом ашёларининг кескин камайишига олиб келмоқда. Мавжуд углеводородлар заҳираларидан фойдаланиш даражасини барқарорлаштириш ва муқобил энергетик манбалари хилма-хиллигини янада ошириш учун ўсимлик биомассасига биотехнологик ишлов бериш орқали, улардан биоэтанол ва биогаз каби биоёқилғилар олиш долзарб аҳамиятга эга.