Тадқиқот мавзусининг долзарблиги ва зарурати. Жаҳон тилшунослигида ХХ асрнинг 50-йилларидан эътиборан матнни электрон ҳисоблаш машиналари воситасида таҳрир қилиш муаммоси ўрганила бошлади, натижада замонавий ахборот технологиялари дастурлари ҳамда табиий тилнинг грамматик қонуниятларига асосланган матн таҳрир ва таҳлилларининг лингвистик таъминотини яратишга қаратилган салмоқли тадқиқотлар юзага келди.