Дунёнинг барча давлатларида бюджет жараёнини тўғри режалаштириш ва улар орқали тегишли соҳаларни молиялаштиришни амалга ошириш бюджетнинг даромадлар қисмига пул маблағларининг бир маромда келиб тушишини таъминлаш муҳим аҳамият касб этади. Ушбу ҳолат, аввало, бюджетга солиқ тушумларининг келиб тушишини тўғри прогноз қилишга бевосита боғлиқ бўлиб, айнан шу жараённинг ташкилий-услубий жиҳатдан мақбул тарзда амалга оширилмаслиги бюджет ижросида юқори даражадаги тақчилликни келтириб чиқаради.