Тадқиқотнинг мақсади ахборот-коммуникация технологиялари терминларининг инглиз ва ўзбек тилларидаги лингвистик хусусиятлари ҳамда уларнинг лексикографияга оид назарий-услубий жиҳатлари бўйича таклиф ва тавсиялар ишлаб чиқишдан иборат.
Тадқиқотнинг вазифалари:
АКТ терминларининг мавзуий гуруҳларини таснифлаш;
АКТ терминларининг структуравий хусусиятларини очиб бериш;
соҳа терминларининг деривацион хусусиятларини аниқлаш;
соҳа терминларининг лексик-семантик хусусиятлари, синонимик ва антонимик муносабатларини очиб бериш;
соҳа терминларининг таржимада бериш усулларини аниқлаш, моделларини яратиш ва эквивалентлик хусусиятларини кўрсатиш;
соҳа терминларнинг лексикографик тамойилларини такомиллаштириш ва икки тилли терминологик луғатини яратиш.