Бугунги кунда «...ер шарининг тўртдан бир қисми тоғли тизмалар ҳиссасига тўғри келиб, тоғликлар тропиклардан тортиб қутбгача ҳар хил ландшафтларни, хилма-хил табиатга эга бўлган текисликдан фарқ қилувчи мажмуани ташкил қилади» . Бу хилма-хиллик тоғ ва тоғ олди тупроқ ҳосил қилувчи жинсларини ва тупроқлардан фойдаланишни белгилайди, яъни бу ҳолатларга ўзига хос тоғ экотизимлари таъсир кўрсатади. Шунга кўра, вертикал минтақа тупроқлари генезиси, эволюцияси ва унумдорлигини тадқиқ этиш бугунги куннинг асосий назарий муаммоларидан бири ҳисобланади. Бу муаммо ечимининг чуқурлиги ва кенглигига тупроқларни географик тарқалиши, геокимёвий ландшафтларни ривожланиш босқичлари, умуман табиий муҳитни билиш ва ундан фойдаланиш билан бевосита боғлиқ ҳисобланади.