Бугунги кунда дунё амалиётида пахта етиштиришда энергия ва ресурслар сарфини камайтириш ва тупроқнинг унумдорлигини сақлашга асосланган юқори самарадорликка эга ишлов бериш технологиялари ва техника воситаларини яратиш ҳамда уларни ишлаб чиқаришга жорий этиш етакчи ўринни эгаллайди. Дунё бўйича 886,3 млн. гектар майдонда қишлоқ хўжалиги маҳсулотлари етиштирилади ва уларнинг 43,8 фоиз қисмида тупроқни ҳимоялайдиган, уни деградациядан сақлайдиган, янги ресурстежамкор, минимал ва ноль технологиялар ҳамда уларни амалга оширадиган техника воситалари жорий этилган бўлиб, шундан 118 млн. гектар майдонда экинлар пуштага экилади ва парваришланади.