Тадқиқотнинг мақсади: остеосаркома ўсмасининг ривожланиш механизмини тавсифловчи молекуляр-биологик ва генетик маркерлар ўзгаришини аниқлаш, шунингдек айни патологияни ташхислаш ва даволашдаги уларнинг ролини асослаш
Тадқиқотнинг предмети – вена қони ва қон зардоби молекуляр-генетик, цитогенетик ва иммунологик маркерларини аниқлаш учун, гистологик материал иммуногистокимё онкомаркерларини аниқлаш учун ишлатилди.Ўсма касалликларининг замонавий ташхиси ва даво муолажаларининг юксалишига қарамасдан, жуда хавфли хисобланган остеосаркомали касаллар келажагини башоратлаш тахликалигича қолмоқда. Хозирги вазият беморларни эрта ташхислаш, мониторинги ва даволаш учун бошқача янги технологияларни излаш ва яратишни тақазо этмоқда. Фундаментал иммунология, молекуляр биология, биотехнология ва генетиканинг бугунги кундаги ютуқлари, хавфли ўсмалар келиб чиқишини башорат қилишга, ташхис қўйиш ва даволашга ёрдам берувчи замонавий биологик муҳим кўрсатгичларни пайдо бўлишига олиб келди.
Маълумки, остеосаркома – ўта агрессив хавфли ўсма бўлиб, тезкор гематоген метастазлашишга мойилдир. Адабиётларда, суяк тўқимаси метаболизмининг меъёри ва илк ўсма ўсишида ўзига хос хусусиятларини, молекуляр-биологик маркерларининг яширин имкониятларини аниқлашга йўналтирилган тадқиқодлар сони етарлича келтирилган.