Xorshunoslik va xor jamoalari bilan ishlash uslubiyoti

«Xorshunoslik va xor jamoalari bilan ishlash uslubiyoti» fanining asosiy maqsadi – xor ijrochisi bo`lish uchun kollej yoki akademik litseyga oqishga kirgan, qolaversa, kelajakda «Xor dirijori» malakasiga ega bo`lish istagidagi o`quvchi-yoshlarga xor san’ati haqida dastlabki nazariy bilimlarni, yakkaxon va xor ovozlarining tasnifi, ularning diapazoni va registrlarini, to`g`ri talaffuz qilish qoidalarini, shuningdek, asosiy musiqa atamalari, musiqiy ifodaviylik vositalarini o`rgatishdir. Bu fan o`quv rejalariga muvofiq belgilangan semestrda ma’ruzalar tarzida o`tiladi va xor san’atining insoniyat madaniyatidagi o`rnini yanada chuqurroq, mukammal o`zlashtirib olishlaringizda katta yordam beradi. Ma’ruzalarni, musiqiy misollarni tinglab, xorlarning tuzilishi, inson ovozlari, diapazoni, badiiy imkoniyatlari, rang-barang ijro uslublari haqida aniq tasavvurga ega bo`lishingiz zarur, bu davr taqozosi, umumbashariy ta’lim talablariga javob beradi. Turli xalqlarda xor ijrochiligining rivojlanishini taqqoslab o`rganish sizlarning dunyoqarashingizni, bilim chegarangizni kengayib borishiga ko`mak beradi. Mashg`ulotlarda xor jamoalari tuzilgandan keyin kompozitorlar tomonidan yozilgan asarlarda ijrochilik imkoniyatlarining kengayib borishi, janrlar xilma-xilligi haqida, kichik va katta to`liq xorlar uchun yaratilgan sara asarlar haqida mustaqil izlanishlar orqali bilib, ustoz bilan bahsli munozaralar uyushtirsangiz maqsadga muvofiz bo`lar edi. «Xorshunoslik va xor jamoalari bilan ishlash uslubiyoti» fani bo`yicha mashg`ulotlar yakuniy reyting nazorati o`tkazish bilan tugatiladi. Reyting shakllarini ustoz o`z tajribasidan kelib chiqib belgilashi mumkin. Quyidagi yo`nalishlarda bilimlarga ega bo`lganligingizni namoyish etishlaringiz lozim: