«Kadrlar tayyorlash milliy dasturi»da o`quvchilarning kasb-hunarga
ishtiyoqi, mahorat va malakasini oshirishga intilishi o`z aksini topish bilan
birga o`quv adabiyotlarining yangi avlodini yaratish ham ko`zda tutilgan.
Neft va gaz yo`nalishidagi kasb-hunar kollejlari o`quvchilari uhcun «Berkitish
moslamalarini montaj qilish va ta’mirlash» fani bo`yicha yaratilgan
o`quv qo`llanma shu maqsadni amalga oshirish borasidagi bir urinishdir.
Bu o`quv qo`llanmada berkitish moslamalari to`g`risida ma`lumotlar,
ularni montaj qilish va ta’mirlash ishlarini olib borishni tashkil etish,
bu moslamalarni ishlatishda, ta’mir-yig`uv ishlarini bajarishda jalb
etiladigan texnika xavfsizligiga amal qilish to`g`risidagi ma`lumotlar
keng yoritilgan.