Нефт ва газ саноати корхоналари технологик қурилма ва машиналарнинг электр жиҳозларига хизмат қилувчи юксак малакали ўрта бўғин мутахассисларни тайёрлаш давлат аҳамиятига эга масала бўлиб, мамлакатнинг энергетика мустақиллигининг асосини ташкил этади. Нефт ва газ саноатининг бирламчи корхоналари негизи бўлган бурғулаш қурилмалари машина ва механизмлари ер остидан чиқариб олинаётган хом нефт ва газни тортиб олиш ва қувурлар ёрдамида қайта ишловчи корхоналарга узатади. Бурғулаш қурилмалари машина ва механизмларининг электр юритмалари ўнлаб турларга эга. Бу электр юритмаларнинг куч схемаларида замонавий ярим ўтказгичли асбоблар (тиристорлар, куч транзисторлар ва б.) ва бошқариш тизимида микропроцессорли тизимлар қўлланилади. Электр юритмаларнинг якка ҳолда катта қувватли эканлигини ҳисобга оладиган бўлсак, уларни бошқаришда энергия тежамкор усулардан фойдаланиш катта самара беради.