«Teatr tarixi» qo`llanmasida dramatik va musiqali teatrning shakllanish hamda
rivojlanish tarixi turli janr va mavzudagi namunali pyesa, spektakllar tahlili orqali
bayon qilingan. Unda dramaturglarning ijodiy yo`llari, dramatik va musiqali spektakllarda
yuqori iste’dodi bilan shuhrat topgan aktyorlar hamda rejissorlarning ijodiy
izlanishlari ilmiy sharhlar, san’atkorlarning xotiralari asosida batafsil ochib berilgan.
Qo`llanma san’at, madaniyat oliy va o`rta maxsus o`quv yurtlari, xususan, kasbhunar
kollejlari talabalariga teatrimiz tarixini o`rganishlarida bilimlarini chuqurlashtirishlarida
xizmat qilishi shubhasiz.
Qo`llanmani yaratishda qimmatli maslahatlari bilan yaqindan yordam bergan
san’atshunoslik fanlari doktori, professor Toshpo`lat Tursunovga, san’atshunoslik fanlari
nomzodlari, dotsentlar — iste’dodli teatrshunos olim marhum Ikromjon Rahimjonovga,
hozirda nafaqada bo`lmish Inoyatulla Po`latovga, shuningdek, Hamidjon Ikromov va
Toir Islomovlarga muallif o`z minnatdorchiligini bildiradi.