«Neft mahsulotlarini tashish va saqlash» fanining o`qitish dasturiga
muvofiq «Neft va gaz ishi» yo`nalishidagi kasb-hunar kollejlari talabalari
uchun ilk bor davlat tilida yozilgan ushbu o`quv qo`llanmada
neft, gaz va neft mahsulotlarini tashishda foydalanilayotgan hozirgi zamon
texnika vositalari, ular orqali mahsulotlarni tashish texnologik
jarayonlari va sharoitlari to`g`risida ma’lumotlar keltirilgan. Shuningdek,
neft-gaz omborlari, ularning qurilmalari, saqlash sharoitlari, tashish
va saqlash tizimida atrof-muhitning ifloslanishini kamaytirish tadbirlari
bayon qilingan.